Nurdan Oruntayev Altay şəhərciyinin tikinti işlərinin gedişi ilə tanış olub

Qırğızıstanın tikinti, memarlıq və mənzil-kommunal təsərrüfatı naziri Nurdan Oruntaev Bişkek şəhərində tikilən Altay şəhərciyinin tikintisinin gedişi ilə tanış olub Tikinti Nazirliyindən verilən məlumata görə, işgüzar səfər zamanı nazirə layihənin icrasının hazırkı mərhələsi, mühəndis-hazırlıq işlərinin yerinə yetirilməsi və obyektlərin tikintisinin gedişi barədə məlumat verilib Nurdan Oruntayev tikinti-quraşdırma işlərinin keyfiyyətinə və təsdiq edilmiş tikinti qrafikinə əməl olunmasına gündəlik nəzarətin təmin edilməsini tapşırıb. Bundan əlavə, hər bir tikinti sahəsində məsul mütəxəssislər tərəfindən görülən işlər barədə vaxtında hesabatların təqdim edilməsi ilə daim nəzarətdə saxlanılmasının vacibliyini vurğulayıb Nazir, həmçinin, mənzillərin satışının yalnız tikinti işlərinə faktiki başlanılan və aktiv mərhələdə olduğu məhəllələrdə həyata keçirilməsi barədə göstəriş verib. Bu tədbir vətəndaşların mənafeyinin və təhlükəsizliyinin təmin edilməsinə yönəlib Bu günədək 600-ə yaxın məhəllənin ərazisində drenaj sistemlərinin quraşdırılması başa çatdırılıb. Eyni zamanda, armatur qəfəslərin toxunması və sonrakı betonlama üçün bünövrələrin hazırlanması işləri aparılır Qeyd edək ki, Altay şəhərciyi ölkənin ən iri yaşayış layihələrindən biridir və 234 hektar ərazini tutur. Layihə 1551 beşmərtəbəli çoxmənzilli yaşayış binasının tikintisini nəzərdə tutur. Ümumilikdə 34 mindən çox müxtəlif layihəli mənzillərin tikintisi planlaşdırılır və ümumi inkişaf sahəsi 1 milyon 7 min kvadratmetrdən çox olacaq Layihəyə əsasən, şəhərcikdə sosial infrastruktur obyektlərinin, o cümlədən məktəblərin, uşaq bağçalarının, poliklinikaların, xəstəxanaların, reabilitasiya mərkəzlərinin, daxili işlər orqanlarının ərazi bölmələrinin, o cümlədən yanğınsöndürmə və xilasetmə xidməti mərkəzlərinin tikintisi nəzərdə tutulur