Krıma gedən körpüdə ukraynalıların yeni hücumu

İyunun 9-na keçən gecə Ukraynaya məxsus pilotsuz təyyarələr ilhaq edilmiş Krımı Xerson vilayəti ilə birləşdirən Çonqarski körpüsünə hücum edib. Ukraynanın Xerson vilayətinin işğal olunmuş hissəsinin Rusiya tərəfindən təyin edilmiş “rəhbəri” Vladimir Saldo bildirib ki, körpü zədələnib və oradakı hərəkət müvəqqəti olaraq bağlanıb Onun sözlərinə görə, hava hücumundan müdafiə sistemləri körpüyə yaxınlaşarkən 20-dən çox pilotsuz təyyarəni vurub. Hücumda neçə pilotsuz uçan aparatın iştirak etdiyi açıqlanmır Əvvəlki dəfə Ukrayna hərbçiləri Çonqardakı körpüyə iyunun 7-də hücum etmişdilər. Bundan sonra təhlükəsizlik məqsədilə Krım və Xerson vilayətinin sərhədində yerləşən Cankoy avtomobil keçid məntəqəsindən nəqliyyatın hərəkəti müvəqqəti olaraq bağlanmışdı