Bolqarıstanın yeni hakimiyyət orqanları Ukraynaya silah verməyəcək

Bolqarıstanın müdafiə naziri Dimitar Stoyanov bildirib ki, ölkə bundan sonra Ukraynaya hərbi yardım göstərməyəcək. BTA xəbər verir ki, bu barədə o, Sofiyada keçirdiyi mətbuat konfransında bildirib Bolqarıstan Müdafiə Nazirliyinin rəhbəri qeyd edib ki, Ukraynadakı müharibə döyüş meydanında həll oluna bilməz və hərbi əməliyyatlara son qoymaq üçün danışıqlara çağırıb. "Biz artıq açıq şəkildə bildirdik ki, Ukraynadakı müharibə döyüş meydanında həll edilməyəcək. Biz səngər müharibəsini görürük və nə qədər silah yığılsa da, ondan çıxan yeganə şey insan itkisidir. Artıq danışıqlar masasına oturmağın vaxtıdır, ədalətli sülh axtarmaq vaxtıdır, bunu hər iki tərəf müəyyənləşdirməlidir", - Stoyanov bildirib Nazir bu prosesdə Avropa İttifaqının rolunun son dərəcə əhəmiyyətli olduğunu vurğulayıb. O, həmçinin bəyan edib ki, Bolqarıstan Ukrayna ordusunu silahla təmin etməyəcək "Ukraynaya silah yox, insanlar lazımdır. Onun kifayət qədər silahı var, ona görə də biz Ukrayna ordusunu əlavə silahlarla təmin etməyi planlaşdırmırıq", - Stoyanov bildirib 2022-ci ildən bəri Bolqarıstan Ukraynaya 13 hərbi yardım paketi təqdim edib, lakin onların xərclərini və məzmununu gizli saxlayır. 2026-cı ilin martında Bolqarıstan Ukrayna üçün Amerika silahları almaq üçün PURL təşəbbüsünə qoşuldu Aprel ayında Bolqarıstanda keçirilən parlament seçkilərində rusiyayönlü eks-prezident Rumen Radevin rəhbərlik etdiyi “Tərəqqiçi Bolqarıstan” partiyası qalib gəlib. Keçən ay Radev bildirmişdi ki, Avropa İttifaqı Ukraynada müharibəyə son qoymaq üçün Rusiya ilə danışıqlarda liderliyi öz üzərinə götürməlidir