Niderland və Azərbaycan siyasi məsləhətləşmələr aparmağa hazırlaşır - səfir

BAKI, Azərbaycan, 29 aprel. Bu il Haaqada Azərbaycan və Niderland arasında siyasi məsləhətləşmələrin keçirilməsi planlaşdırılır. Trend -in məlumatına görə, bunu Niderlandın Azərbaycandakı səfiri Marianne de Yonq Kral Günü münasibətilə Bakıda keçirdiyi brifinqdə deyib "Hazırda biz məsləhətləşmələrin tarixini seçirik. Çox güman ki, onlar yaydan sonra baş tutacaq, baxmayaraq ki, yekun tarix hələ təsdiqlənməyib. Bu, çox yaxşı əlamətdir və ölkələrimiz arasında əvvəlki məsləhətləşmələrin məntiqi davamıdır. Bu dəfə onlar Haaqada keçiriləcək", - o deyib Diplomat qeyd edib ki, iki ölkənin xarici işlər nazirlikləri də sıx əlaqələr saxlayır "Azərbaycanın Haaqadakı səfiri ilə iş səviyyəsində sıx qarşılıqlı əlaqə mövcuddur. Bundan əlavə, nazirlər səviyyəsində də aktiv əlaqələr saxlanılır", - de Yonq əlavə edib