Bu küçələrdə götürmə və buraxma zonası var

Paytaxtda sosial müəssisələrə və tibb məntəqələrinə gələn vətəndaşlar üçün əlavə rahatlıq yaradılması istiqamətində işlər davam etdirilir. Daha altı ünvanda taksi fəaliyyəti ilə məşğul olan sərnişinlərin və şəxsi nəqliyyat vasitələrinin rahat şəkildə minib-endirilməsini təmin etmək məqsədilə müvafiq yol nişanları quraşdırılıb Day.Az xəbər verir ki, layihənin davamı çərçivəsində Sabit Orucov küçəsində (Respublika Perinatal Mərkəzinin yanı), həmçinin Mehdi Mehdizadə və Fəzail Bayramov küçələrində (Mediland Hospital klinikasının yanı) bəzi parkinq yerləri ləğv edilib. Bu ərazilərdə 5.14 “Taksi dayanacağı yer” və 3.28 “Dayanmaq qadağandır” yol nişanları quraşdırılıb ki, bu da sərnişinlərin mindirilməsi və enməsi üçün xüsusi yerlərin təşkilinə şərait yaradıb Oxşar nişanlar Böyük İpək Yolu küçəsində (Heydər Əliyev prospekti ilə kəsişmənin yaxınlığında), Həsən Salmani küçəsində və Babək prospektində də qoyulub. Bu, Yeni Klinika, Leyla Tibb Mərkəzi və Baku Medical Plaza klinikalarına gələnlər üçün əlavə rahatlıq yaradıb Xatırladaq ki, əvvəllər paytaxtda daha yeddi ünvanda tibb müəssisələrinin qarşısında sərnişinlərin minib-düşməsi üçün xüsusi yerlər, eləcə də qısamüddətli taksi dayanacaqları üçün yerlər təşkil edilib Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin