Qırğızıstanın Səhiyyə Nazirliyi: Seldən zərər çəkmiş rayonlarda sanitar-epidemioloji vəziyyət sabitdir

Oş, Cəlal-Abad və Batken vilayətlərinin bir sıra ərazilərində yağan güclü yağış səbəbindən sanitar, epidemioloji və tibbi işlər gücləndirilib. Bu barədə Qırğızıstanın Səhiyyə Nazirliyi məlumat yayıb Seldən zərər çəkmiş ərazilərdə tibbi xidmət gücləndirilmiş iş rejimində işləyir: qapı-qapı gəzintiləri təşkil edilir, səyyar qruplar cəlb olunur, suyun keyfiyyətinə nəzarət edilir və yoluxucu xəstəliklərin qarşısı alınır, mülki müdafiə orqanları və yerli hakimiyyət orqanları ilə qarşılıqlı əlaqə təmin edilir Sakinlərin risk zonalarından təxliyyə edildiyi Batken bölgəsində 35 ailə təxliyə edilib. Təxliyə edilənlərə tibbi yardım göstərilib və sağlamlıqlarına nəzarət edilib. 37 nəfər tibbi yardıma müraciət edib, hamısına lazımi yardım göstərilib, ciddi hal qeydə alınmayıb Təsirə məruz qalan ərazilərin dezinfeksiya edilməsinə xüsusi diqqət yetirilir. Bu günə kimi ümumi sahəsi on minlərlə kvadratmetr olan yaşayış binaları, həyətyanı sahələr, sanitar qovşaqlar və ona bitişik ərazilər dezinfeksiya edilib. Bu məqsədlər üçün xlor tərkibli preparatlardan istifadə olunur, ixtisaslaşmış epidemioloji qruplar yaradılıb. Zəruri hallarda bölgələrə əlavə dezinfeksiyaedici maddələr verilir Paralel olaraq suyun keyfiyyətinin və ətraf mühitin vəziyyətinin laboratoriya monitorinqi aparılır. Mütəxəssislər içməli sudan və torpaqdan nümunələr götürür, araşdırmalar aparır, həmçinin əhaliyə təhlükəsiz içməli suyun çatdırılmasını təmin edirlər. Bağırsaq infeksiyalarının qarşısının alınması və gigiyena standartlarına riayət olunması üçün yerli hakimiyyət orqanlarına sanitar qaydalar verilib Tibbi-sanitariya xidmətləri də əhali ilə fəal maarifləndirmə işləri aparır, daşqın şəraitində yoluxucu xəstəliklərin qarşısının alınması tədbirləri və şəxsi gigiyena qaydaları barədə vətəndaşları məlumatlandırır Zərər çəkmiş ərazilərdə indiyədək yoluxucu xəstəliklərin baş verməsi qeydə alınmayıb. Epidemioloji vəziyyət stabildir və Səhiyyə Nazirliyinin daimi nəzarətindədir Zərər çəkmiş rayonlarda kifayət qədər dərman, tibbi alətlər və dezinfeksiyaedici maddələrin ehtiyatı yaradılmışdır. Səhiyyə təşkilatları zəruri hallarda əlavə çarpayılar yerləşdirmək imkanına malikdir