Azərbaycanın Ağdərə şəhərində mina partlaması nəticəsində 1 nəfər xəsarət alıb

BAKI, Azərbaycan, 26 aprel. Bu gün Ağdərə rayonunun Sırxavənd kəndi ərazisində mina partlayıb. Bu barədə Azərbaycan Respublikası Daxili İşlər Nazirliyi, Baş Prokurorluq və Azərbaycan Ərazilərinin Minalardan Təmizlənməsi üzrə Milli Agentliyin (ANAMA) mətbuat xidmətlərinin birgə məlumatında deyilir Keçmiş təmas xəttinin minalardan təmizlənməmiş ərazisində piyada əleyhinə minanın partlaması nəticəsində Xocalı rayonunun Yenibinə kənd sakini, 1967-ci il təvəllüdlü Vüqar Əhmədov sol ayağından xəsarət alıb Faktla bağlı Tərtər Rayon Prokurorluğunda araşdırma aparılır ANAMA, Daxili İşlər Nazirliyi və Baş Prokurorluq bir daha vətəndaşları təhlükəsizlik qaydalarına əməl etməyə, mina təhlükəsi barədə xəbərdarlıq nişanlarına ciddi diqqət yetirməyə, tanış olmayan və ya hasarlanmış ərazilərə daxil olmamağa çağırıb