“Medeu” buz meydançasında dayanacaq müvəqqəti olaraq bağlanıb

Almatıdakı “Medeu” buz meydançasının ərazisindəki avtomobil dayanacağı bu gündən etibarən müvəqqəti olaraq bağlanacaq. Şəhər tikinti idarəsinin nümayəndələri bildiriblər ki, məhdudiyyət ilin sonuna qədər davam edəcək Çünki kompleksin ərazisində tikinti-quraşdırma işləri gedir. Təhlükəsizlik qaydaları bunu tələb edir. Mütəxəssislər sakinlərə və qonaqlara səfərlərini əvvəlcədən planlaşdırmağı, ictimai nəqliyyatdan və ya alternativ yollardan istifadə etməyi tövsiyə edir. Dəniz səviyyəsindən 1700 metr yüksəklikdə yerləşən Medeu dünyanın ən yüksək dağ idman komplekslərindən biridir. Obyekt ötən ilin oktyabr ayından təmir olunub. Layihə çərçivəsində mühəndis infrastrukturunun yenilənməsi, ziyarətçilər üçün rahat şəraitin yaradılması nəzərdə tutulur. Yenidənqurma işlərinin 2027-ci ilin dördüncü rübündə başa çatdırılması planlaşdırılır. Bununla əlaqədar kompleksin ərazisində mərhələli şəkildə müvəqqəti məhdudiyyətlər tətbiq oluna bilər