Fövqəladə Hallar Nazirliyi ən yaxşı gənc xilasediciləri və yanğınsöndürənləri seçib - foto

Fövqəladə Hallar Nazirliyinin Bakı Regional Mərkəzində “Gənc xilasedici və yanğınsöndürən” XIII Respublika müsabiqəsinin zona birinciliyi keçirilib Fövqəladə Hallar Nazirliyinin mətbuat xidmətindən verilən məlumata görə, Elm və Təhsil Nazirliyinin dəstəyi, Fövqəladə Hallar Nazirliyinin təşkilatçılığı ilə keçirilən yarışın əsas məqsədi məktəblilərin fövqəladə hallar zamanı fəaliyyət göstərməyə fiziki və intellektual hazırlığını yoxlamaq, şəxsi və ictimai təhlükəsizliyə məsuliyyət hissini artırmaq, gənc nəslə sağlam həyat tərzi vərdişlərini aşılamaq olub Müsabiqə Dövlət Himninin səsləndirilməsi ilə başlayıb. Onlarda Bakı Regional Mərkəzinin məsul dairəsinə daxil olan rayonların təhsil müəssisələri iştirak ediblər. Turnir iki mərhələdən ibarət olub: “Kombinə edilmiş atəş estafeti” və “Maneeler zolağı” Gərgin mübarizə şəraitində keçən yarışın nəticələrinə görə birinci yeri Nizami rayonu, Ərəstun Mahmudov adına 220 nömrəli məktəb-lisey; ikinci yer - Yasamal rayonu, Aytəkin Məmmədova adına 38 nömrəli tam orta məktəb; üçüncü yer – Xətai rayonu, İlqar Mirzəyev adına 98 nömrəli tam orta məktəb Qalib komanda “Gənc xilasedici və yanğınsöndürən” müsabiqəsinin respublika finalında iştirak etmək hüququ qazanıb