Özbəkistan - Kolumbiya oyunu 2026-cı il dünya çempionatının bilet satışında lider olub

2026-cı il dünya çempionatı oyunları arasında bilet satışı üzrə indiyədək ən yüksək nəticəni Özbəkistan və Kolumbiya yığmaları arasında keçirilən oyun göstərir. Bu barədə özbək futbol funksioneri Əlişir Nikimbaev “Futbolium” Telegram kanalında məlumat verib Onun sözlərinə görə, oyuna 74 725 bilet satılıb. Bu rəqəm açılış matçında 73 373 bilet satılan Meksika - Cənubi Afrika və 73 719 biletlə Braziliya - Mərakeş matçlarından çoxdur Özbəkistan millisi ilk dəfə dünya çempionatında mübarizə aparacaq. Fabio Kannavaronun komandası qrup mərhələsində Kolumbiya, Portuqaliya və Konqo Demokratik Respublikası ilə qarşılaşacaq Özbəkistan turnirin ilk oyununu Kolumbiyaya qarşı keçirəcək. Qarşılaşma iyunun 18-də Mexikodakı “Azteca” stadionunda keçiriləcək Dünya Kubokunun açılışı da Aztecada Meksika və Cənubi Afrika milli komandaları arasında keçiriləcək oyunla baş tutacaq. Stadion 81 mindən çox tamaşaçı tutumuna malikdir Daha əvvəl 2026-cı il dünya çempionatına hazırlıq çərçivəsində Özbəkistan millisinin Hollandiya ilə yoxlama oyunu keçirdiyi bildirilirdi. Oyun 1:2 hesabı ilə başa çatıb: Özbəkistan yığmasının heyətində İqor Sergeev, Hollandiya yığmasının heyətində isə hər iki qolu penaltidən Kodi Qakpo vurub Səhv tapsanız, lütfən, mətn parçasını seçin və Ctrl+Enter düymələrini basın