Martin Rayan Bakı Apellyasiya Məhkəməsinə müraciət edib

Dövlət Təhlükəsizliyi Xidmətinin (DTX) Fransaya casusluqda təqsirləndirilən Martin Rayan və dövlətə xəyanətdə təqsirləndirilən Azad Məmmədov barəsində başlanmış cinayət işi üzrə çıxarılmış hökmdən apellyasiya şikayəti verilib Bakı Apellyasiya Məhkəməsində hakim Murad Məmmədovun sədrliyi ilə apellyasiya şikayəti üzrə məhkəmənin hazırlıq iclası iyunun 11-nə təyin edilib Qeyd edək ki, Bakı Ağır Cinayətlər Məhkəməsinin bu il martın 16-da hökmü ilə Martin Rayan 10 il, Azad Məmmədov isə 12 il müddətinə azadlıqdan məhrum ediliblər İttihama görə, Martin Rayanın aşağıdakı istiqamətlərdə tapşırıqlar alması və fəaliyyəti ilə bağlı əsaslı şübhələr müəyyən edilib: Azərbaycan Respublikasında istehsal olunan silah və sursatlar haqqında məlumat toplamaq; 2020-ci il 44 günlük Vətən Müharibəsi zamanı Azərbaycan ordusunun cəlb edilməsi; əməkdaşlığa cəlb oluna bilən hərbi xidmətdə olan və ya Azərbaycan Silahlı Qüvvələrindən istefada olan şəxslər; xaricdə fransız dilində təhsil almış şəxslər; Azərbaycanda fəaliyyət göstərən xarici vətəndaşlar və hüquqi şəxslər; Fransa xüsusi xidmət orqanlarının adından Azərbaycan vasitəsilə başqa ölkələrə gizli pul köçürmələrinin təşkili imkanları; Azərbaycanla bir sıra xarici dövlətlər arasında əlaqələr və əlaqələr, hərbi əməkdaşlıq planları, o cümlədən Azərbaycana idxal olunan silah və sursatlar Təqsirləndirilən Martin Rayan Bakıda Azad Məmmədovla Fransa xüsusi xidmət orqanlarının əməkdaşları arasında görüş təşkil edib. Görülən işin müqabilində Azad Məmmədova xarici ölkə vətəndaşlığı vəd edilib Qeyd edək ki, təqsirləndirilən şəxslər 2023-cü il dekabrın 4-də Azərbaycan Dövlət Təhlükəsizliyi Xidməti tərəfindən saxlanılıb.“Merkorama” MMC-nin baş direktoru Martin Rayan casusluqda ittiham olunub. İttihama görə, Martin Rayan DGSE (Fransa Xarici Təhlükəsizlik üzrə Baş Direktorluğu) tərəfindən onu məxfi əməkdaşlığa cəlb edən casus agenti kimi istifadə edilib və daha sonra persona non-qrata elan edilərək Bakıdan qovulub. Bu cinayət işi çərçivəsində Martin Rayan Azərbaycan Respublikası Cinayət Məcəlləsinin 276-cı (casusluq), Azərbaycan Respublikasının vətəndaşı Azad Məmmədov isə Azərbaycan Respublikası Cinayət Məcəlləsinin 274-cü (dövlətə xəyanət) maddəsi ilə ittiham olunublar