Maradonanın ölümü ilə bağlı işdə iki həkim hakim qarşısına çıxıb

Argentinanın paytaxtı Buenos-Ayresin San İsidro Cinayət Məhkəməsində keçirilən iclasda Maradonanı özəl klinikalardan birində müalicə edən iki həkim futbolçunun son sağlamlıq vəziyyəti ilə bağlı məlumat verib. Həkimlər Maradonanın ölümündən bir müddət əvvəl yüksək təzyiq dərmanlarından istifadəni dayandırdığını iddia edərək, ciddi ürək xəstəlikləri olan keçmiş futbolçunun səhhətinin bu səbəbdən pisləşə biləcəyini bildiriblər Prokurorluq Maradonanın keçmişdən bəri ürək xəstəlikləri və müxtəlif patologiyaları olduğunu iddia etsə də, işdə müttəhim qismində mühakimə olunan həkim qrupu bu vəziyyəti kifayət qədər nəzərə almayıb Argentinada davam edən iş Maradonanın ölümünün qarşısını almaq mümkün olub-olmadığı sualına yönəlib. Prokurorluq iddia edir ki, evdə aparılan müalicə qeyri-kafi olub, müntəzəm tibbi müayinələr aparılmayıb, Maradonanın səhhəti pisləşsə də, lazımi müdaxilələr vaxtında aparılmayıb. Prokuror onu da əsaslandırır ki, Maradonanın həkim briqadası əfsanəvi futbolçuya lazımi tibbi yardım göstərməyib və onu “taleyin ümidinə buraxıb”. Bu çərçivədə 7 səhiyyə işçisi, o cümlədən neyrocərrah Leopoldo Luque, psixiatr Agustina Cosachov, tibb bacıları və sağlamlıq koordinatorları mühakimə olunur Maradonanın ölümündən sonra istintaq açılıb və əfsanəvi futbolçunun ölümünə səbəb olmaqda Maradonanın neyrocərrahı Leopoldo Luke və psixiatr Aqustina Kosaçov da daxil olmaqla 7 şübhəli ittiham edilib Futbol tarixinin ən yaxşı oyunçularından biri olan Maradona 25 noyabr 2020-ci ildə Argentinanın Buenos-Ayres əyalətinin Tiqre şəhərində "xroniki ürək çatışmazlığı səbəbindən kəskin ağciyər ödemi" səbəbindən vəfat edib