Malinin müdafiə naziri öldürülüb

Malinin müdafiə naziri Sadio Kamara terrorçular tərəfindən öldürülüb 525.az xarici KİV-ə istinadən xəbər verir ki, bu barədə hökümətin mətbuat xidmətinin rəhbəri İssa Kulibali bildirib Terrorçuların onun iqamətgahına hücumu zamanı nazir onlarla döyüşə girib və ağır yaralanıb. Xəstəxanaya çatdırılan Kamara orada keçinib Qeyd edək ki, artıq bir neçə gündür Malidə terrorçuların planlaşdırılmış hücumları davam edir. Əsas hadisələr paytaxt Bamakoda cərəyan etsə də, Kati, Qao, Mopti və Kidalada da terrorçuların aktivliyi müşahidə olunur. İndiyə kimi hökümət qüvvələri ilə döyüşlərdə mindən çox terrorçu öldürülüb