İrəvanda Makron müdaxilə ilə dəstək arasındakı fərqi izah edib

Fransa prezidenti Emmanuel Makron iyunda keçiriləcək parlament seçkiləri ərəfəsində Ermənistanın hazırkı baş naziri Nikol Paşinyana dəstək verməsini respublikanın daxili işlərinə müdaxilə kimi qiymətləndirmir "Müdaxilənin nə olduğunu başa düşməliyik. Mən deyirəm ki, mən səkkiz ildir etibar etdiyim bu tərəfdaşa (Ermənistanın baş naziri Nikol Paşinyana) kömək edirəm, Avropadan kənar seçimə qarşı çıxan Maya Sandu (Moldova prezidenti) məsələsində olduğu kimi", - Makron İrəvanda Paşinyanla birgə brifinqdə deyib Onun sözlərinə görə, Fransa və Avropa dövlətlərinin mövqeyi açıqdır və müdaxilə sayıla bilməz “Amma manipulyasiya etməyə çalışan, demokratiyanı təhdid edən, media vasitəsilə yalan məlumatlar yaymaqla informasiya manipulyasiyası həyata keçirən, qanunun aliliyini pozmağa çalışan başqa tərəf var”, - deyə Fransa prezidenti izah edib. - Fərq budur. Hər şey açıqdır. Burada heç bir müdaxilə yoxdur. Burada açıq mövqe var və Moskvanın sifarişi ilə demokratiyanı təhdid etməyə çalışan xarici agentlər vasitəsilə müdaxilə var” Bu arada Makronun səfəri zamanı Ermənistan Müdafiə Nazirliyi İrəvanda fransız şirkətləri ilə yeni hərbi müqavilələr imzalayıb “Airbus Helicopters” şirkəti ilə razılaşmaya əsasən, Ermənistan ordusuna nəqliyyat helikopterləri veriləcək. Helikopterlərin konkret modeli hələ açıqlanmayıb Bundan əlavə, Ermənistan Müdafiə Nazirliyi ilə Fransanın SOFEMA Qrupu arasında müasir hərbi forma və texnikanın alınmasına dair ayrıca saziş imzalanıb Qeyd olunur ki, satınalmalar Ermənistan ordusunun maddi-texniki və mobil imkanlarını gücləndirmək məqsədi daşıyır