Macarıstanda deputatların maaşları 40 faiz azaldılıb: Baş nazir əvvəlcə öz maaşını azaldıb

Macarıstan parlamenti deputatların maaşlarının 40 faiz azaldılmasını təsdiqləyib Yeni baş nazir Peter Magyar hökuməti bu addımı ilə dövlət büdcəsini yüngülləşdirməyi hədəfləyir, eyni zamanda 16 illik Viktor Orban dövrü ilə açıq-aşkar fasilə mesajı verir Səsvermə nəticəsində deputatların ümumi əsas maaşı gələn aydan etibarən təxminən 3 min 690 avro olacaq. Bu məbləğ hələ də ölkə üzrə orta səviyyədən yüksək olsa da, Orban səviyyəsindən xeyli aşağı olaraq qalır Tənqidçilər əvvəlki illərdə Orbanın yüksək deputat maaşlarından parlamentdəki müxalifəti yumşaltmaq üçün bir vasitə kimi istifadə etdiyini iddia edirdilər Maaşların kəsilməsi baş nazir Magyarın daha geniş islahatlar paketinin bir hissəsidir. 1981-ci il təvəllüdlü hüquqşünas Peter Magyar uzun illər Orban administrasiyasına tabe olan dövlət qurumlarında çalışıb və Brüsseldə diplomat kimi fəaliyyət göstərib. 2024-cü ildə müstəqil yayımçı Partizan-a verdiyi müsahibədə Orban administrasiyası ilə əlaqələri kəsdiyini və bu açıqlamasının ölkə siyasətinə böyük təsir göstərdiyini açıqladı BAŞ NAZİR İLK ÖZ MAAŞINI AZALDI Magyar vəzifəyə gəldikdən sonra əvvəlcə öz maaşını iki dəfə azaldıb “Siyasətçilər özlərini imtiyazlı təbəqə deyil, dövlətin qulluqçusu kimi görməlidirlər” deyən baş nazir dəyişikliyin ilk növbədə idarəetmədən başlamalı olduğunu vurğulayıb Hökumət bu addımların Brüsselə açıq mesaj olduğunu bildirir. Macarıstan korrupsiya iddiaları və qanunun aliliyi müzakirələri səbəbindən dondurulmuş Aİ fondlarının sərbəst buraxılmasına inamı bərpa etməyə çalışır Bununla belə, ekspertlər təkcə maaşların simvolik kəsilməsinin kifayət etməyəcəyini və ölkənin dərin struktur problemlərinin hərtərəfli islahatlar tələb etdiyini bildirirlər Magyarın rəhbərlik etdiyi Tisza Partiyası apreldə keçirilən seçkilərdə böyük qələbə qazanaraq Orbanın 16 illik hakimiyyətinə son qoyub. Hökumət “yeni başlanğıc” ritorikası ilə həm daxildə, həm də xaricdə inam yaratmağı hədəfləyir