Biz və qonşularımız sülh şəraitində yaşamalıyıq - Lalə Hüseynova "Tofiq Abbasovla dialoq" verilişində (FOTO/VİDEO)

BAKI, Azərbaycan, 8 iyun. “Baku Network” ekspert platformasında “Tofiq Abbasovla dialoq” analitik video layihəsinin yeni bölümü yayımlanıb Verilişin qonağı Azərbaycan Milli Konservatoriyasının prorektoru Lalə Hüseynova olub Söhbət zamanı o, gənclərin mədəni inkişafda rolu, milli kimliyin əhəmiyyəti, vətənpərvərlik tərbiyəsi, o cümlədən Cənubi Qafqazda sülh və birgəyaşayış perspektivlərinə toxunub Lalə Hüseynova Azərbaycan musiqi sənətinin gələcəyinin etibarlı əllərdə olduğuna əminliyini ifadə edib "İstedadlı gəncləri görəndə anlayıram ki, çox yaxşı əvəzləyici gələcək. Bizim musiqi sənətimiz, xüsusən də dərs dediyim yer etibarlı əllərdədir. Bizim vəzifəmiz onlara yol açmaq, onlara kömək etmək, yaxşı tərbiyəçi olmaqdır ki, yaradıcılıq axtarışlarında özlərini tək hiss etməsinlər", - o qeyd edib Hüseynova eyni zamanda vurğulayıb ki, musiqi özü xalqlar arasında ünsiyyətin xüsusi forması olaraq qalır "Bir milləti hissləri ilə dərk etmək istəyirsənsə, onun musiqisinə qulaq as. O zaman bəlli olacaq ki, insanlar dünyanı necə yaşayır və qəbul edirlər. Azərbaycan muğamı haqqında danışanda biz həyat tərzimizdən, düşüncəmizdən, mentalitetimizdən danışırıq" O, 44 günlük Vətən müharibəsindən danışaraq şəhidlər arasında Azərbaycan Milli Konservatoriyasının tələbəsi – istedadlı musiqiçi və tarzən də könüllü olaraq cəbhəyə yollandığını xatırladıb ​"O, əla magistr tələbəsi və tarzən idi. Könüllü olaraq hərbi xidmətə gedib. Bu gənclər ölümün gözünə çox sakit baxırdılar. O, kimliyini, Vətənini müdafiə etməyə hazır bir insan idi" Hüseynovanın sözlərinə görə, müharibə Azərbaycan cəmiyyətində yüksək səviyyədə həmrəylik nümayiş etdirib ​"Cəmiyyət bizim gözləmədiyimiz dərəcədə həmrəylik nümayiş etdirdi. Bütün dünya azərbaycanlıları birləşdi. Bizim gözəl gənclərimiz var - savadlı, irfanlı, öz tarixini yaxşı bilən", - o vurğulayıb Regionun gələcəyindən danışan Lalə Hüseynova vurğulayıb ki, Cənubi Qafqazın sülhə ehtiyacı var; lakin tarixi yaddaş qorunmadan və keçmişi obyektiv dərk etmədən davamlı sülh mümkün deyil O, eyni zamanda qeyd edib ki, tarixin dərslərini unutmamaq çox vacibdir Onun fikrincə, gənc nəsil hörmət ruhunda yetişdirilməlidir, eyni zamanda, onlar öz ölkələrinin tarixini yaxşı bilməli və Azərbaycanın üzləşdiyi riskləri dərk etməlidirlər "Biz hər şeyi öz adları ilə çağırmalı, keçmişi xatırlamalı, qonşuların və tərəfdaşların gələcək addımlarını proqnozlaşdıra bilməliyik. Ancaq eyni zamanda sülh içində yaşamağı və hər şeydən əvvəl insanı görməyi öyrənmək lazımdır" dedi Lalə Hüseynova Azərbaycanın tarixən güclü dövlətçilik ənənələrinə malik olduğunu da vurğulayıb "Niyə Azərbaycan qarşısında duran vəzifələri bu qədər səmərəli həll edə bildi? Çünki bizdə tarixən inkişaf etmiş dövlətçilik təfəkkürü var. Biz dövləti necə qurmağı, onu qoruyub saxlamağı, lazım olanda onun uğrunda mübarizə aparmağı bilirik" Prorektor qeyd edib ki, zəngin tarixi, mədəniyyəti, muğamı, dili, milli yaddaşı Azərbaycan xalqını əsrlər boyu öz torpağında saxlayıb "Bunlar olmasaydı, biz bir millət olaraq yaşaya bilməzdik. Bəlkə də başqaları arasında dağılacaqdıq. Bu torpaqlardan çoxları keçib, amma torpağa bağlılıq dəyişməz qalıb", - Hüseynova deyib O, sonda vurğuladı ki, gələcək nəsillər üçün əsas dərs ləyaqət, yaddaş və dinc yanaşı yaşamaq qabiliyyətinin yetişdirilməsi olmalıdır "Ən əsası yeni nəsillərə mehribanlıq və insanları parçalayan yox, birləşdirən şeyə can atmaqdır. Başqa yol yoxdur", - deyə Lalə Hüseynova yekunlaşdırıb Trend verilişin tam videoyazısını təqdim edir: