Qırğızıstan ilk dəfə BMT Təhlükəsizlik Şurasına üzv seçilib (video)

Qırğızıstan tarixdə ilk dəfə olaraq 2027-2028-ci illər üçün BMT Təhlükəsizlik Şurasının qeyri-daimi üzvü seçilib Səsvermə iyunun 3-də Nyu-Yorkda BMT Baş Assambleyasında keçirilib. Qırğızıstanın namizədliyinə 142 ölkə səs verib. Onun Asiya-Sakit okean qrupundakı rəqibi 49 səs toplayan Filippin olub Beləliklə, Qırğızıstan Filippindən yan keçərək, 2027-ci il yanvarın 1-dən 2028-ci il dekabrın 31-dək BMT Təhlükəsizlik Şurasının qeyri-daimi üzvlüyünün yerini tutacaq Bundan əvvəl prezident Sadır Japarov dünya liderlərinə Qırğızıstanın namizədliyini dəstəkləmək xahişi ilə müraciət edib. O qeyd edib ki, ölkə əvvəllər heç vaxt BMT Təhlükəsizlik Şurasının üzvü olmayıb, Filippin isə artıq dörd dəfə bu qurumun üzvü olub Qırğızıstan bəyan edib ki, seçiləcəyi təqdirdə, qabaqlayıcı diplomatiyanı, mübahisələrin sülh yolu ilə həllini, nüvə silahının yayılmaması məsələlərini, iqlim və təhlükəsizlik arasında əlaqələri inkişaf etdirmək niyyətindədir Qırğızıstanın namizədliyi əvvəllər Mərkəzi Asiya ölkələri tərəfindən dəstəklənib BMT Təhlükəsizlik Şurası 15 üzvdən ibarətdir: beş daimi və on qeyri-daimi. Qeyri-daimi üzvlər BMT Baş Assambleyası tərəfindən iki il müddətinə seçilir