Qırğızıstan və BƏƏ 2026-cı ilin yayında Şarja - İssık-Kul birbaşa uçuşunu planlaşdırır

Bu məsələ “Qırğızıstan Hava Limanları” Səhmdar Cəmiyyətinin İdarə Heyətinin sədri Manasbek Samidinov ilə Birləşmiş Ərəb Əmirliklərindən olan nümayəndə heyəti arasında keçirilən görüşdə müzakirə olunub Danışıqların əsas mövzularından biri 2026-cı ilin yay turizm mövsümü üçün Şarjadan İssık-Kula (Tamçı kəndi) birbaşa aviareysin açılmasının planlaşdırılması olub. Hazırda tərəflər gələcək uçuş proqramının parametrlərini, o cümlədən uçuşların başlanma tarixi və tezliyi üzərində işləyirlər Bu marşrutun açılmasının Fars körfəzi ölkələrindən “Mərkəzi Asiyanın mirvarisi” olan İssık-Kul gölünün sahillərinə turist axınını əhəmiyyətli dərəcədə artıracağı gözlənilir. Qırğızıstanın unikal təbii gözəlliyi, dağ kurortları, milli mədəniyyəti və açıq havada istirahət imkanları BƏƏ və regionun digər ölkələrindən gələn qonaqlar üçün daha da əlçatan olacaq Bundan əlavə, 2026-2027-ci il qış turizm mövsümü üçün Şarja və Karakol arasında birbaşa reyslərin yaradılması ilə bağlı danışıqlar aparılır. Bu yeni marşrut Qırğızıstanın xizək turizminin beynəlxalq səviyyədə təbliğində mühüm addım kimi qiymətləndirilir və qış aylarında İssık-Kul bölgəsinə xarici qonaqların cəlb edilməsi üçün əlavə imkanlar yaradacaq Bundan əvvəl Ermənistanın “FlyOne Armenia” aviadaşıyıcısının İrəvan-Almatı-İrəvan marşrutu üzrə birbaşa uçuşlar tətbiq etməklə Qazaxıstanın aviasiya bazarına daxil olduğu bildirilirdi