Qırğızıstan Çindən keçməklə Pakistana yeni nəqliyyat dəhlizi açıb

Qırğızıstan Qırğızıstan - Çin - Pakistan istiqamətində yeni pilot nəqliyyat marşrutunu uğurla həyata keçirib, respublikanın Nəqliyyat və Rabitə Nazirliyi məlumat yayıb Nazirlikdən verilən məlumata görə, layihə beynəlxalq nəqliyyat dəhlizlərinin inkişafı və dünya dəniz limanlarına birbaşa çıxışın təmin edilməsi strategiyası çərçivəsində Qırğızıstanın Beynəlxalq Daşıyıcılar Assosiasiyası ilə birgə həyata keçirilib Marşrut Bişkekdən başlayır və Toruqart keçid məntəqəsindən keçir, daha sonra Kaşqar - Xuncerab - İslamabad - Kəraçi dəniz limanı istiqamətində gedir. Marşrutun ümumi uzunluğu 3,3 min kilometrdir Nazirlik qeyd edib ki, yeni dəhliz ölkənin logistik imkanlarını genişləndirəcək, xarici ticarəti gücləndirəcək və dəniz limanlarına çıxışı təmin edəcək Marşrutun işə salınması haqqında Pakistanın Qırğızıstandakı fövqəladə və səlahiyyətli səfiri Altamaş Vəzir Xan aprelin 23-24-də Bişkekdə keçirilən Şanxay Əməkdaşlıq Təşkilatına üzv dövlətlərin nəqliyyat nazirlərinin XIII iclasında da məlumat verib "Keçən həftə Qırğızıstandan yola düşən yük maşını uğurla Pakistana çatıb. İki ölkənin nazirlikləri marşrutun bütün mərhələlərində sürücülərlə daim əlaqə saxlayıb, marşrutun rahat və səmərəli keçməsini təmin ediblər", - diplomat qeyd edib Qırğızıstan Beynəlxalq Daşıyıcılar Assosiasiyasının sədri Azamat Cumabekovun AzadlıqRadiosuna verdiyi məlumata görə, Qırğızıstandan Pakistana gedən yüklərin arasında ərzaq məhsulları da olub Ötən həftə Əfqanıstandan yan keçməklə Pakistandan Mərkəzi Asiyaya daha bir yeni logistik marşrutun işə salınması ilə bağlı məlumat yayılıb. Dondurulmuş mal əti ilə doldurulmuş soyuducu yük maşınları Ərəbistan dənizinin sahilindəki Kəraçi liman şəhərindən yola düşərək Daşkəndə gəlib. Maşınlar İran ərazisinə daxil olmaq üçün Qabdt-Rimdan sərhəd terminalından keçib, daha sonra Türkmənistanı keçərək son nöqtəyə gəliblər Pakistan rəsmiləri bildiriblər ki, onlar pilot quru marşrutunu təxminən 70 milyon insanın yaşadığı Mərkəzi Asiyada bazarlara çıxmaq üçün bir fürsət kimi görürlər Azattyk Asia © 2026 RFE/RL, Inc. | Bütün hüquqlar qorunur