Krımın işğalına dəstək verən əməkdaşı İlyasova 14 il həbs cəzası - QHA - Krım Xəbər Agentliyi

Ukrayna məhkəmələri Rusiyanın Krım yarımadasının qanunsuz işğalında əməkdaşlıq etmiş Krım Muxtar Respublikası parlamentinin 6-cı dönəminin keçmiş deputatı Remzi İlyasova qarşı hökm çıxarıb. Qiyabi mühakimə olunan İlyasov Ukrayna dövlətinə qarşı “dövlətə xəyanət”də təqsirli bilinərək 14 il müddətinə azadlıqdan məhrum edilib İŞĞALÇILAR TARAFINDAN MÜKAFAT EDİLMİŞDİR Krım Muxtar Respublikası Prokurorluğunun yaydığı rəsmi açıqlamaya görə, Krım xalqının “azad iradəsini” əks etdirməsi kimi təqdim edilməsi nəzərdə tutulan saxta “Krım ümumxalq səsverməsi”nin qərarının qəbul edilməsində birbaşa Remzi İlyasovun rolu olub. Təqsirləndirilən şəxs həmçinin Krımın Rusiya Federasiyasına “birləşdirilməsinə” yol açan “Krım Muxtar Respublikası və Sevastopol (Akyar) şəhərinin Müstəqillik Bəyannaməsi”nin lehinə səs verib. İlyasov Ukrayna parlamentinin səlahiyyətlərinə xitam verilməsi ilə bağlı rəsmi qərarına etiraz edib; O, “Krımın müstəqilliyi”, “Krım Respublikasının hüquqi varisliyi” və işğal administrasiyasının “Krım Respublikasının Konstitusiyası” kimi beynəlxalq hüquqa zidd olan bütün saxta qanunların qəbuluna əl qaldıranlardan olub İlyasov işğalın ilkin mərhələlərində etdiyi əməkdaşlıq müqabilində yarımadada qurulan marionet administrasiyasında fəal rollar götürdü. Ukrayna qanunlarını pozaraq keçirilən qeyri-qanuni seçkilərə qatılan sabiq deputat Rusiyanın hakim partiyası olan “Vahid Rusiya”nın (Yedinaya Rossiya) siyahılarından “Krım Respublikasının Birinci Müddətli Dövlət Şurası” adlandırılan quruma üzv seçilib “Beləliklə, “deputat” Krım yarımadası ərazisində Rusiya işğalçı orqanlarının yaradılmasına və fəaliyyətinə töhfə verib, həmçinin Ukraynaya qarşı təxribat fəaliyyətinin həyata keçirilməsində təcavüzkar dövlətə yardım edib”, - deyə məlumatda bildirilir. kimi vurğulanır