Şimal-Cənub dəhlizi və limanın inkişafı: Qazaxıstan və İran tranziti artırır

Qazaxıstan və İran nəqliyyat dəhlizlərinin, liman infrastrukturunun inkişafı və investisiya əməkdaşlığının genişləndirilməsini sürətləndirmək barədə razılığa gəliblər, Orda.kz xəbər verir Qazaxıstanın baş nazirinin müavini - milli iqtisadiyyat naziri Serik Jumanqarin İranın yol və şəhərsalma naziri Fərzaneh Sadek ilə danışıqlar aparıb. Tərəflər dövlət başçıları səviyyəsində əldə edilmiş razılaşmaların həyata keçirilməsini, o cümlədən Şimal-Cənub beynəlxalq nəqliyyat dəhlizinin inkişafı, ticarət dövriyyəsinin artırılması və logistika əlaqələrinin gücləndirilməsini müzakirə ediblər Serik Jumanqarin qeyd edib ki, İran Qazaxıstanın regionda əsas ticarət və iqtisadi tərəfdaşlarından biri olaraq qalır. Onun sözlərinə görə, 2025-ci ilin sonunda ölkələr arasında ticarət dövriyyəsi 26,4% artaraq 430,2 milyon dollar təşkil edib. Tərəflər İran və Aİİ arasında imzalanmış Azad Ticarət Sazişi sayəsində qarşılıqlı ticarətin 3 milyard dollara çatdırılması məqsədini təsdiqləyiblər Şimal-Cənub dəhlizinin inkişafına xüsusi diqqət yetirilir. 2025-ci ildə marşrut üzrə daşımaların həcmi 12% artaraq 3,5 milyon tona, dəmir yolu daşımaları isə 69% artıb Tranzit potensialını daha da genişləndirmək üçün Qazaxıstan infrastrukturun modernləşdirilməsi üzrə birgə yol xəritəsinin hazırlanmasını təklif edib ki, bu da dəhlizin ötürücülük qabiliyyətini ildə 20 milyon tona çatdıracaq Tərəflər həmçinin liman infrastrukturunun inkişafını müzakirə ediblər. İran Şahid Rəcai (Bəndər Abbas) limanında torpaq sahəsinin Qazaxıstana verilməsi üçün razılığın başa çatdığını elan edib. Bundan əlavə, Qazaxıstana Cənubi və Cənub-Şərqi Asiya bazarlarına çıxışı təmin edəcək Çabahar limanında iş imkanları verməyə hazır olduqları təsdiqlənib Cavab olaraq Qazaxıstan Xəzər dənizində logistika fəaliyyətini genişləndirmək üçün İran şirkətlərini Aktau və Kurıkda liman qurğuları ilə təmin etmək imkanını nəzərdən keçirir Danışıqlar nəticəsində tərəflər əvvəllər əldə edilmiş razılaşmaların həyata keçirilməsini sürətləndirmək, nəqliyyat-logistika infrastrukturunun inkişafı və investisiya əməkdaşlığı üzrə işlərin intensivləşdirilməsi barədə razılığa gəliblər