Kompüter klubu yaxınlığında münaqişə faciə ilə nəticələnib: Almatıda iki azyaşlı həlak olub

Sosial şəbəkələrdə geniş rezonans doğuran hadisə aprelin 30-na keçən gecə baş verib.İlkin məlumata görə, münaqişə kompüter klublarından birində başlayıb, daha sonra küçədə davam edib və kütləvi davaya çevrilib Dava zamanı iştirakçılardan biri bıçaqdan istifadə edib. İki yeniyetmə ağır yaralanaraq tibb müəssisəsinə çatdırılsa da, onları xilas etmək mümkün olmayıb. Ölənlərdən birinin 17 yaşında olduğu bildirilir "Onun dostu kömək istədi. Dedi ki, kiminləsə dava edib, danışmaq lazımdır. Orada 10-a yaxın oğlan var idi. Dava olub, onlardan biri Yeşimin ürəyinə bıçaq xəsarəti yetirib. Uşağım əsəbiləşib onun arxasınca qaçıb. Orada onu daha da bıçaqlayıblar", - deyə zərərçəkmişlərdən birinin anası Aygerim Təvəkəlova bildirib Hüquq-mühafizə orqanlarından verilən məlumata görə, əməliyyat-axtarış tədbirləri çərçivəsində hadisənin bütün iştirakçıları müəyyən edilərək saxlanılıb. Şübhəlilər arasında 17-20 yaş arası gənclər də var. Hücumları birbaşa həyata keçirənlər artıq nəzarətə götürülüb Almatı Polis İdarəsinin aydınlaşdırdığı kimi, qətllə bağlı cinayət işi açılıb. Saxlanılanların hamısı müvəqqəti saxlama təcridxanasına yerləşdirilib "İbtidai istintaq çərçivəsində onların hər birinin əməlinə hüquqi qiymət veriləcək, baş vermiş hadisədə iştirak dərəcəsi və rolu müəyyən ediləcək. Hadisənin bütün hallarının hərtərəfli, tam və obyektiv müəyyən edilməsinə yönəlmiş kompleks istintaq hərəkətləri həyata keçirilir", - şəhər Polis İdarəsinin mətbuat xidmətindən bildirilib İstintaqın gedişi Daxili İşlər Nazirliyinin və şəhər polis idarəsinin rəhbərliyinin xüsusi nəzarətindədir