Koalisiya rəhbəri: Hədəflərimizi reallaşdırmaqdan ötrü davamlılıq şərtdir

Dünyanın daha arzulanan bir hala gətirilməsi üçün hər kəsin haqlarına hörmət edilməsi vacibdir. Bu isə öz növbəsində yerli və regional hökumətlər üçün həm şəhərlər, həm də regional səviyyədə çox böyük məsuliyyət deməkdir AZƏRTAC xəbər verir ki, bunu "Yerli 2030 Koalisiyası"nın rəhbəri Sebastien Vauzelle Ümumdünya Şəhərsalma Forumunun 13-cü Sessiyası (WUF13) çərçivəsində keçirilən "Yenilənmiş çoxtərəfliliyi formalaşdıran yerli liderlik" mövzusunda yerli və regional hökumətlərin Ümumdünya Assambleyasında çıxışı zamanı deyib O, WUF13 vasitəsilə Bakıdan beynəlxalq ictimaiyyət üçün fəaliyyət çağırışının edilməsinin vacibliyini diqqətə çatdırıb: “Bu təşəbbüs uzunmüddətli və davamlı bir proses halına gətirilməlidir. Çünki biz burada davamlı dialoqdan bəhs edirik. Ümumdünya bir mövzu olduğundan hədəflərimizi reallaşdırmaqdan ötrü davamlılıq şərtdir. Bugünkü forumdan və bundan sonrakı proseslərdən dünyanı daha yaxşı bir yer halına gətirməyi gözləyirik" 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır