Çin Tayvanın şərqində dəniz əməliyyatına başlayıb

Çin Tayvanın şərqindəki sularda dəniz qanunlarını tətbiq etmək üçün xüsusi əməliyyata başlayıb. Bu barədə “Global Times” Sinxua agentliyinə istinadən məlumat yayıb Nəşrin məlumatına görə, əməliyyatı Çin Xalq Respublikasının Nəqliyyat Nazirliyi Futszyan və Quanqdonq əyalətlərinin dəniz təhlükəsizliyi idarələri, Şərqi Çin Dənizində Naviqasiyaya Dəstək Mərkəzi və Şərqi Çin Dəniz Xilasetmə Bürosu ilə birlikdə həyata keçirir Pekin əməliyyatın məqsədinin "ÇXR-in dəniz sahəsində inzibati yurisdiksiyasını tam şəkildə həyata keçirmək", əsas sularda patrul və gəmiçilik nəzarətini gücləndirmək, dəniz nəqliyyatının təhlükəsizliyini təmin etmək və milli hüquq və maraqları qorumaq olduğunu bildirib “Global Times”ın qeyd etdiyi kimi, qərar Yaponiya və Filippinin Tayvanın şərqində dəniz sərhədlərinin müəyyən edilməsi ilə bağlı danışıqlara başlamaq barədə elanına cavab idi. Çin hesab edir ki, bu cür hərəkətlər ÇXR-in ərazi suverenliyini, habelə onun dəniz hüquq və maraqlarını pozur Bundan əvvəl Filippin prezidenti kiçik Ferdinand Markos Yaponiyaya səfəri zamanı Yaponiya tərəfi ilə birlikdə iki ölkə arasında eksklüziv iqtisadi zonanın və kontinental şelfin delimitasiyası üzrə danışıqların başlanması ilə bağlı birgə bəyanat yayıb. Söhbət Tayvanın şərq sahillərindəki sulardan gedir Çin Xarici İşlər Nazirliyinin sözçüsü Mao Ning bildirib ki, Yaponiya və Filippinin Çindən yan keçərək dəniz sərhədlərinin müəyyən edilməsi ilə bağlı danışıqlara başlamaq cəhdi BMT-nin dəniz hüququ haqqında Konvensiyasını, beynəlxalq hüququn digər normalarını və beynəlxalq münasibətlərin əsas prinsiplərini pozur Onun sözlərinə görə, Çin daxili və beynəlxalq qanunlara əsasən, ərazidə müstəsna iqtisadi zona və kontinental şelfə malikdir. Mao Ning vurğulayıb ki, Tayvanın şərqindəki suların hər hansı delimitasiyası Çinin iştirakı ilə aparılmalıdır Pekin Tayvanı Çin Xalq Respublikasının ayrılmaz hissəsi hesab edir və Çinlə diplomatik əlaqələr qurmaq və ya saxlamaq istəyən ölkələr üçün “vahid Çin” prinsipinə sadiqlik ilkin şərtdir