Kipr Qırğızıstan tələbələri üçün təhsil imkanlarını genişləndirməyə hazırdır

Bişkek, 08.06.26/Xəbər. Kiprin xarici işlər naziri Konstantinos Kombos Qırğızıstan Xarici İşlər Nazirliyinin rəhbəri Jeenbek Kulubayev ilə görüşündə ikitərəfli əməkdaşlığın inkişafı üçün sənədlərin imzalanmasını mühüm addım kimi qiymətləndirib Onun sözlərinə görə, ikiqat vergitutmanın aradan qaldırılması haqqında sazişin imzalanması investisiya və ticarət əlaqələrinin inkişafına yeni təkan verən mühüm hadisədir. O, həmçinin qeyd edib ki, bu sənədlər biznes və investisiyalar üçün sabit və şəffaf hüquqi və vergi şəraitinin yaradılmasına töhfə verəcək Konstantinos Kombos təhsil və akademik əməkdaşlığa xüsusi diqqət yetirildiyini vurğulayıb Bundan əlavə, onun qeyd etdiyi kimi, danışıqların əhəmiyyətli hissəsi Avropa İttifaqı ilə Qırğızıstan arasında əməkdaşlığa həsr olunub. Kiprli nazir qeyd edib ki, bu istiqamətdə tərəfdaşlığın dərinləşməsinə tərəfdardır və Mərkəzi Asiyanın strateji əhəmiyyətinin, o cümlədən ticarət, nəqliyyat, enerji və kommunikasiya sahələrində rolunun artdığını vurğulayıb