Kino, attraksion: Talasda “Balastan” mərkəzinin tikintisi 60% başa çatıb

Bişkek, 12.06.26. /Xəbərlər/. Tikinti, memarlıq və mənzil-kommunal təsərrüfatı naziri Nurdan Oruntayev Talas rayonunda bir sıra tikinti obyektlərinə baxış keçirib İdarədən verilən məlumata görə, nazir Talasda tikilməkdə olan “Balastan” uşaq əyləncə mərkəzində olub. Sözügedən obyektin tikintisinə 2025-ci ilin payızında başlanılıb. Bu gün tikinti işlərinin təxminən 60 faizi tamamlanıb Baxış zamanı nazir tikinti-quraşdırma işlərinin gedişi, obyektin mühəndis infrastrukturu, istifadə olunan tikinti materiallarının keyfiyyəti və tikintinin müəyyən olunmuş qrafikə uyğun həyata keçirilməsi ilə tanış olub Oruntayev tikinti işlərinin sürətinin artırılması, tikintinin keyfiyyətinə daimi nəzarətin həyata keçirilməsi ilə bağlı yerli özünüidarəetmə orqanlarının rəhbərlərinə və məsul şəxslərə tapşırıqlar verib Qeyd edək ki, ümumi sahəsi 6,5 hektar olan kompleks 9 binadan ibarətdir və gələcəkdə şəhərin mədəniyyət, istirahət və iqtisadi mərkəzlərindən birinə çevriləcək. Layihəyə əsasən, “Balastan” mərkəzində müasir attraksionlar, sağlamlıq imkanları məhdud uşaqlar üçün xüsusi oyun meydançaları, kinoteatr, konqres zalı, iaşə obyektləri və ailələrin istirahəti üçün hər cür şərait yaradılacaq Obyekt istifadəyə verildikdən sonra 200-dən çox yeni iş yeri açılacaq və rayonun sosial-iqtisadi inkişafına mühüm töhfə verəcək