Kimya İnstitutunda innovasiya və texnologiyaların transferi ilə bağlı təqdimat edilib

Elm və Təhsil Nazirliyinin Kimya İnstitutunda innovasiya və texnologiyaların transferi mövzusunda tədbir keçirilib İnstitutdan AZƏRTAC-a bildirilib ki, direktor səlahiyyətlərini icra edən professor Əfsun Sucayev bu görüşün elmi tədqiqatların kommersiyalaşdırılması və elmi müəssisə-sənaye əməkdaşlığı çərçivəsində təşkil edildiyini bildirib Professor qeyd edib ki, optimallaşdırma tədbirləri ilə əlaqədar yeni formalaşan Kimya İnstitutunda fundamental tədqiqatlarla yanaşı innovativ layihələrə böyük önəm veriləcək. Bundan ötrü institutun təsdiq olunmuş strukturunda “İnnovasiya və texnologiyaların transferi Ofisi” yaradılıb. Bu ofisin əsas işi alimlərimizlə sənaye sahələri arasında əməkdaşlıq əlaqələrini inkişaf etdirmək, həyata keçməsi vacib və real olan ideyaları layihələndirib, uyğun sənaye müəssisələrinə çıxarılmasını əhatə edəcək. İlk olaraq tətbiqyönlü fəaliyyət göstərən laboratoriyalarımızda alimlərlə birgə müzakirə aparılmalı, prioritet istiqamətlər müəyyənləşdirilməli və onların reallaşdırılması istiqamətində çalışmaq lazımdır O, fəaliyyətə başlayacaq yeni ofisin tədqiqatçılar üçün geniş imkanlar açdığını qeyd edib, bu mərkəzin ölkə rəhbərinin Azərbaycanın mövcud iqtisadi reallıqlarına uyğun sosial-iqtisadi siyasətinin həyata keçirilməsində, ölkə iqtisadiyyatının sənayeləşmə tədbirlərinin reallaşdırılması istiqamətində qarşıya qoyulan vəzifələrin icrasında, sənayedə elmin xüsusi çəkisinin artırılmasında yerli elmi-tədqiqat müəssisəsi kimi Kimya İnstitutunun da fəal iştirakını təmin edəcəyinə əminliyini bildirib Ə.Sucayev tədqiqatçı gənclərin “İnnovasiya və texnologiyaların transferi Ofisi”n potensialından fəal istifadə etməsinin vacibliyini vurğulayıb, onları gələcəkdə elmin transferinin istehsal sahələrində real tətbiqini tapmasında yaxından iştirak etməyə səsləyib Görüşdə iştirak edən Elm və Təhsil Nazirliyinin YT Parkının baş mütəxəssisi Bünyamin Seyidov təmsil etdiyi qurumda innovasiya sahəsində fəaliyyətin təkmilləşdirilməsi, elmin kommersiyalaşdırılmasının stimullaşdırılması ilə bağlı əhəmiyyətli işlər görüldüyünü qeyd edib. O, artıq institutlarda texnologiyaların transferi ilə əlaqədar ofislərin fəaliyyətə başlaması ilə elmi müəssisə və təşkilatlarda əldə olunan innovativ perspektivli elmi nailiyyətlərin tətbiqi, eləcə də beynəlxalq elmi-innovativ fəaliyyətin gücləndirilməsinə xidmət edəcəyini diqqətə çatdırıb B.Seyidov təqdimatla çıxış edərək texnologiyaların kommersiyalaşdırılması, elmin kommersiyalaşdırılması və texnologiya transferində Avropa təcrübəsi, patentləşdirmə, lisenziyalaşdırma, elmi-tədqiqat layihələrinin sənayeyə transferi və kommersiyalaşdırılması, kommersiya potensialı yüksək olan patent layihələri və onların transferi və sair məsələlər haqqında geniş məlumat verib, görüş iştirakçıların müxtəlif suallarını cavablandırıb 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır