Kelloqq bildirib ki, ABŞ, Ukrayna və Rusiya arasında danışıqlar demək olar ki, dalana dirənib

ABŞ-ın Ukrayna üzrə keçmiş xüsusi nümayəndəsi Keyt Kelloq bildirib ki, Kiyev, Vaşinqton və Moskva arasında danışıqlar demək olar ki, dayanıb. Onun sözlərinə görə, hazırda İranla danışıqlar amerikalıların diqqət mərkəzindədir "Danışıqlar prosesi demək olar ki, dayanıb. Bu, yaxşı deyil. Həqiqətən də yaxşı deyil", - deyən Kelloq, Ukraynanın Rusiya ilə təkbaşına mübarizə apardığını bildirib Kelloqun sözlərinə görə, ABŞ-ın Rusiyaya qarşı sanksiya təzyiqi var və yeni məhdudiyyətlər toplusunun hazırlanması işi bitməyib. Eyni zamanda o bildirib ki, Rusiyanın hazırda Ukraynadan kənara, Baltikyanı ölkələr və Polşaya hərbi əməliyyatlarını genişləndirmək üçün kifayət qədər resursu yoxdur Bu yay Ukraynaya səfər etməyi planlaşdırdığını deyən Kelloq ABŞ prezidenti Donald Trampın hələ də müharibəni bitirmək niyyətində olduğunu bildirib “Ukrainskaya pravda” nəşrinin yazdığına görə, Kiyev Rusiyaya təzyiqləri artırmaq və payızda sülh danışıqlarının bərpasına şərait yaratmaq üçün yeni hərbi-diplomatik kampaniyaya başlayır Rusiya prezidentinin köməkçisi Yuri Uşakov da bildirib ki, ABŞ, Rusiya və Ukrayna arasında danışıqlar gedir Danışıqlar prosesinin nə vaxt davam edəcəyi hələlik məlum deyil Rusiya hökuməti, prezident Vladimir Putin əvvəlki bəyanatlarında razılıq əldə olunana qədər atəşkəs rejiminə, cəbhədəki hazırkı sərhədə, Qərb qoşunlarının Ukrayna ərazisinə yerləşdirilməsinə qarşı olduğunu bildirib və ələ keçirilən aktivlərin geri qaytarılmasını tələb edib