Köçdü yaddaşıma, bitdi qəlbimdə

Köçdü yaddaşıma, bitdi qəlbimdə İlk dəfə adını eşidəndə mən Əridi ruhumda, itdi qəlbimdə Kök atdı yenidən göyərdi vətən Buludlu olanda göy zaman-zaman Boy atdı gör neçə igid, qəhrəman Torpağı uğrunda keçdi canından Daşıdın içində hər dərdi vətən! Sənin səadətin səadətimdir Hissimdir, sevgimdir, məhəbbətimdir Sənət aləmində vəsiyyətimdir Hələ yazılmamış əsərdir vətən Vətən göy üzüdür, vətən yer üzü Hər çölü, çəməni hər dağı, düzü Atamın yurdudur, anamın özü Düşmənə əbədi çəpərdir vətən Odur süfrəmizin çörəyi, duzu Şərəfli keçmişin indiki üzü Türkün nişanəsi, İslamın özü Babadağ, Savalan, Xəzərdir vətən Deyirsən sevdin məni Ruhum məzar tək soyuq Sevmişəm, sevilmişəm Qəlbim tamam sönübdü İndi boş bir qəfəsdir Bəs bu haray nə səsdir? Get məndən uzaq dolan Mən deməsəm, düz olmaz Gözəl, bax gözümə gözəl gözünlə Çəməndə çiçəyi üz, incə-incə Gecənin şehindən qara telinə Nazik əllərinlə düz, incə-incə Cənnət bağçasını gəzib gəlmisən Eşqin dənizində üzüb gəlmisən Bəlkə də yolunu azıb gəlmisən Dolan sinəm üstə, gəz, incə-incə Dedim xoş gəlmisən, bizim bərəyə Qapısın açdığın qəmli ürəyə Qaldır qollarını "Uzundərəyə" Oyna incə-incə, süz, incə-incə Nə gözəl duyğudur, nə gözəl hissdi Varlığımda bahar küləyi əsdi Şair, burda susmaq daha əbəsdi Qopsun dodağından söz incə-incə Səni Yaradanda böyükdü qüdrət Bilmirəm harda var bu hüsn-surət Kimsə pıçıldayır, a şair İdrət Haqqında beş kəlmə yaz, incə-incə