Kipr türk futbolçusu Halle Hüseyn KTFF-ni ziyarət edib

Karyerasını İngiltərə Liqa komandalarından olan “Vest Hem Yunayted”də davam etdirən və Türkiyə Qadın Milli Futbol Komandasında çıxış edən kiprli türk futbolçu Halle Hüseyn (Halle Rose Pembe Şensizoğlu) Kipr Türk Futbol Federasiyasının (KTFF) prezidenti Həsən Sertoğlunu ziyarət edib KTFF-də baş tutan səfərdə Halle Hüseynin ailəsi ilə yanaşı, KTFF-nin Xarici Əlaqələr üzrə məsul işçisi Həsən Çerkez və Qadın Futbolundan Məsul Simay Kənan da olub Səfər zamanı KTFF prezidenti Həsən Sertoğlu gənc futbolçuya üzərində adı yazılmış millinin formasını hədiyyə edib. Halle Hüseyn Sertoğluna Türkiyə Milli Komandasının və West Ham United-in formalarını hədiyyə edib Səfər zamanı çıxış edən Həsən Sertoğlu Halle Hüseynin uğurlarının Kipr türk xalqı üçün böyük qürur mənbəyi olduğunu bildirib və deyib: "Ümid edirəm ki, bir gün milli formamızı geyinəcəksiniz. Xaricdə uğur qazanan Kipr türk idmançıları ilə fəxr edirik. Halle çox mühüm karyera qurdu və Türkiyə Milli Komandasına yüksəldi. İngiltərə ilə Türkiyə arasında seçim etmək imkanı olanda Türkiyəni seçməsi onun ailəsindən aldığı milli və mədəni dəyərlərin göstəricisidir. Onun bizi ziyarət etməsi məni çox sevindirdi" Halle Hüseyn KTFF-də olmaqdan məmnunluğunu ifadə edərək, Kiprlə əlaqələrinin hər zaman güclü olduğunu vurğulayıb "Burada olduğum üçün çox şadam. Ailəm burada yaşayır və daim Kiprdə baş verənləri izləməyə çalışıram. Mən də milli komandamızın CONIFA-dakı uğurlarını izlədim və çox qürur duyurdum. Ümid edirəm ki, bir gün mənə hədiyyə olaraq verilən bu forma ilə meydanda yarışmaq şansım olacaq Mənim ailəm öz köklərinə çox yaxındır. Xüsusilə atam mənə həmişə Kiprdən danışır və bu aidiyyət hissini aşılayırdı. Həm İngiltərədən, həm də Türkiyədən təklif alanda Türkiyəni seçdim. Türkiyədə qadın futbolu inkişaf etməkdə davam edir və inanıram ki, gələcəkdə daha yaxşı səviyyələrə çatacaq. “Kipr türk idmançılarının inkişafı üçün hər zaman əlimdən gələn dəstəyi verməyə hazıram