Qazaxıstan Volvo yük maşını istehsalına başlayır

BAKI, Azərbaycan, 12 iyun. Qazaxıstanın Astana Motors və İsveçin Volvo Qrupu Qazaxıstanda Volvo yük avtomobillərinin istehsalına hazırlıq işlərini nəzərdə tutan əməkdaşlıq memorandumu imzalayıblar Ölkənin Sənaye və Tikinti Nazirliyindən verilən məlumata görə, imzalanma hər iki ölkənin dövlət orqanlarının, inkişaf institutlarının və biznes qurumlarının nümayəndələrinin iştirakı ilə ticarət-iqtisadi və investisiya əməkdaşlığı üzrə Qazaxıstan-İsveç ikitərəfli komissiyası çərçivəsində baş tutub "Layihənin birinci mərhələsində uzunmüddətli daşımalar üçün nəzərdə tutulmuş Volvo FH13 yük avtomobillərinin istehsalı planlaşdırılır. Sənaye və tikinti sektorunda geniş istifadə olunan Volvo FMX13 avtomobillərinin istehsalı da nəzərdən keçirilir", - nazirlikdən bildiriblər Görüş zamanı tərəflər ikitərəfli əməkdaşlıq məsələlərini, o cümlədən investisiya, sənaye əməkdaşlığı, maşınqayırma, dağ-mədən və metallurgiya, mühüm faydalı qazıntılar kimi geniş spektri müzakirə ediblər. Yüksək əlavə dəyərli istehsala diqqət yetirməklə istehsalın lokallaşdırılmasına xüsusi diqqət yetirilib "Birgə istehsal sahəsinin işə salınması yerli avtomobil sənayesinin potensialını gücləndirəcək və Qazaxıstan və İsveç arasında sənaye əməkdaşlığını yeni səviyyəyə qaldıracaq", - nazirlik qeyd edib Ağır yük maşınlarının geniş çeşidində ixtisaslaşan İsveç avtomobil istehsalçısı Volvo Trucks artıq Qazaxıstandakı fəaliyyətini genişləndirmişdir. Ötən il şirkət ölkədə ilk texniki xidmət stansiyasını, eləcə də Mərkəzi Asiya və Qafqaz regionu üçün yeni ofisini açıb