Qazaxıstan və İspaniya strateji tərəfdaşlığı dərinləşdirməyə çalışırlar

Qazaxıstan nümayəndə heyətinə xarici işlər nazirinin müavini Arman İssetov, İspaniya nümayəndə heyətinə isə İspaniya Krallığının Xarici İşlər, Avropa İttifaqı və Əməkdaşlıq Nazirliyinin xarici və qlobal məsələlər üzrə dövlət katibi Dieqo Martinez başçılıq edib Məsləhətləşmələr zamanı tərəflər siyasi, ticarət-iqtisadi, investisiya, mədəni, humanitar və təhsil sahələrində Qazaxıstan-İspaniya strateji tərəfdaşlığı ilə bağlı geniş spektrli məsələləri müzakirə ediblər. Qazaxıstan XİN-in məlumatına görə, tərəflər cari regional və beynəlxalq hadisələr, o cümlədən beynəlxalq təşkilatlar çərçivəsində əməkdaşlıq barədə fikir mübadiləsi aparıblar Ticarət və investisiya əməkdaşlığının daha da gücləndirilməsinə xüsusi diqqət yetirilib. Qeyd olunub ki, İspaniya Qazaxıstanın Aİ-də əsas iqtisadi tərəfdaşlarından biridir. Bunu 2025-ci ildə 1,93 milyard ABŞ dollarına çatan sabit ikitərəfli ticarət göstəriciləri sübut edir. Tərəflər nəqliyyat və logistika, bərpa olunan enerji, aqrar-sənaye kompleksi, rəqəmsallaşma, turizm, təhsil sahələrində əməkdaşlığın daha da genişləndirilməsində maraqlı olduqlarını bildiriblər İssetov vurğulayıb ki, Qazaxıstan İspaniyanı Avropadakı əsas tərəfdaşlarından biri hesab edir və qarşılıqlı hörmət, etimad və praqmatik əməkdaşlıq prinsiplərinə əsaslanan strateji tərəfdaşlığın daha da dərinləşməsində maraqlıdır Dieqo Martines öz növbəsində İspaniyanın Qazaxıstanla çoxşaxəli əməkdaşlığı genişləndirməyə hazır olduğunu təsdiqləyib, iqtisadi və humanitar sahələrdə birgə layihələrin həyata keçirilməsi üçün böyük potensialın olduğunu qeyd edib Məsləhətləşmələrdən sonra tərəflər ikitərəfli əməkdaşlığın daha da möhkəmləndirilməsinə və fəal siyasi dialoqun davam etdirilməsinə qarşılıqlı sadiq olduqlarını bir daha təsdiq etdilər Bundan əvvəl İspaniyanın Xarici İşlər və Qlobal Məsələlər üzrə Dövlət katibi Dieqo Martinez Belio iki ölkənin xarici işlər nazirlikləri arasında siyasi məsləhətləşmələrdə və forumda iştirak etmək üçün Astanaya səfər etmək niyyətində olduğu bildirilirdi