Qazaxıstan Astanada ət emalı zavodunu işə salmağa hazırlaşır

BAKI, Azərbaycan, 8 iyun. Qazaxıstan Astanada illik istehsal gücü 18 min ton olan ət emalı zavodunu işə salmağa hazırlaşır Layihə Prezident Qasım-Jomart Tokayevin qarşıya qoyduğu vəzifələrə uyğun olaraq, kənd təsərrüfatının emalının genişləndirilməsi və əlavə dəyərli ərzaq məhsullarının istehsalının artırılması üzrə hökumət və Astana şəhər administrasiyasının davamlı səyləri çərçivəsində həyata keçirilir “Astana ETKOM” MMC tərəfindən hazırlanan obyekt paytaxtın Sənaye Parkında yerləşir. Astana ETKOM-un təsisçisi Fərhad Mədəliyevin sözlərinə görə, layihə yerli xammalın dərindən emalını inkişaf etdirmək, ət məhsulu istehsalını artırmaq və Qazaxıstanın ərzaq təhlükəsizliyini gücləndirmək məqsədi daşıyır Layihəyə qoyulan ümumi investisiya 8 milyard tenge (təxminən 16 milyon dollar) təşkil edir. Maliyyələşdirmə dövlət sahibkarlığına dəstək proqramları çərçivəsində verilən kreditlər və investorların şəxsi vəsaitləri hesabına təmin edilmişdir. İstifadəyə verilməsi 2026-cı ilin ikinci rübünə planlaşdırılır Zavod gündə 50 tona qədər hazır məhsul istehsal edə biləcək ki, bu da illik təxminən 18 min tona bərabərdir Onun məhsul çeşidinə kolbasa, ət delikatesləri, yarımfabrikatlar və soyudulmuş ət məhsulları daxildir. Müəssisə ilk növbədə daxili bazara xidmət etməklə yanaşı, ixrac bazarlarını da hədəf almağı planlaşdırır Xammal əsasən Qazaxıstan istehsalçıları, o cümlədən Aitas, KazBeef, eləcə də Qazaxıstanın müxtəlif regionlarının kənd təsərrüfatı müəssisələri tərəfindən təmin ediləcək 2026-cı ildə Astana 1400-dən çox iş yerinin yaradılması ilə 68,4 milyard tenge (təxminən 140 milyon dollar) dəyərində 26 sənaye layihəsini işə salmağı planlaşdırır