Qazaxıstan və Aİ viza rejiminin sadələşdirilməsi və readmissiya haqqında sazişləri müzakirə edir

BAKI, Azərbaycan, 12 iyun. Qazaxıstan və Avropa İttifaqının nümayəndə heyətləri viza rejiminin sadələşdirilməsi və readmissiyaya dair saziş layihələri üzrə danışıqların növbəti mərhələsini keçiriblər Qazaxıstan Xarici İşlər Nazirliyinin məlumatına görə, danışıqlar zamanı tərəflər gələcək sazişlərin əsas elementləri üzrə mövqelərinin daha da uyğunlaşdırılmasına yönəlmiş əsaslı müzakirələri davam etdiriblər "Qazaxıstan vətəndaşları üçün viza prosedurlarının təkmilləşdirilməsinə, o cümlədən müraciətlərə baxılması müddətinə, çoxdəfəlik vizaların verilməsinə, tələb olunan təsdiqedici sənədlərin optimallaşdırılmasına və insanlar arasında təmasların gücləndirilməsinə yönəlmiş digər praktiki tədbirlərə xüsusi diqqət yetirilib", - XİN bildirib Görüşün yekununda hər iki tərəf iki sazişin əksər müddəaları üzrə əhəmiyyətli irəliləyişin olduğunu qeyd edib və işi davam etdirməyə hazır olduqlarını təsdiqləyiblər Əldə edilmiş nəticələr yüksək səviyyədə qarşılıqlı anlaşmanı əks etdirir və mobilliyin gələcək inkişafı, habelə Qazaxıstan və Avropa İttifaqı arasında biznes, təhsil, elm və humanitar əlaqələrin genişləndirilməsi üçün möhkəm zəmin yaradır