Qazaxıstan türk şirkətlərini TİTR yük layihələrinə qoşulmağa çağırır

ASTANA, Qazaxıstan, 14 may. Qazaxıstan prezidenti Kasım-Jomart Tokayev türk şirkətlərini Transxəzər Beynəlxalq Nəqliyyat Marşrutu (TİTR) çərçivəsində Kurık və Aktau limanları vasitəsilə yükdaşımaların artırılmasına yönəlmiş layihələrdə fəal iştirak etməyə çağırıb Tokayev bu sözləri Astanada keçirilən Yüksək Səviyyəli Strateji Əməkdaşlıq Şurasının altıncı iclasında çıxışı zamanı deyib Qazaxıstan prezidenti qeyd edib ki, mövcud geosiyasi vəziyyət şəraitində nəqliyyat və logistika sektorunun strateji əhəmiyyəti durmadan artır. Tokayev həmçinin digər ölkələrin TİTR-ə artan marağının olduğunu vurğulayıb Daha sonra Qazaxıstanın aviasiya sahəsində əməkdaşlığa xüsusi önəm verdiyi vurğulanıb. TAV Hava Limanları Holdinq Almatı Beynəlxalq Hava Limanını Mərkəzi Asiya üçün logistika mərkəzinə çevirməyi planlaşdırır və ölkə layihəyə hərtərəfli dəstək verməyə hazırdır Tokayev həmçinin investisiya mühitinin yaxşılaşdırılması istiqamətində görülən genişmiqyaslı səylərdən danışıb və türk tərəfdaşları qeyri-resurs sektorlarında layihələr həyata keçirməyə dəvət edib Bundan əlavə, tərəflər enerji, mədənçıxarma, rəqəmsallaşma və süni intellekt, eləcə də müdafiə sənayesi sahələrində əməkdaşlığın perspektivlərini müzakirə ediblər