Qazaxıstan ordusu döyüş hazırlığı sistemini yeniləyir

Almatı regional qarnizonunda müdafiə nazirinin birinci müavini - Silahlı Qüvvələrin Baş Qərargah rəisi, general-leytenant Kanış Abubəkirovun rəhbərliyi ilə təlim-metodiki təlim keçirilir Bildirilir ki, iştirakçıların əsas diqqəti döyüş hazırlığı sisteminin müasir silahlı münaqişələr şəraitinə uyğunlaşdırılmasına yönəldilib. Tədbirdə Silahlı Qüvvələrin müxtəlif qoşun növlərinin, Əlahiddə Ümumqoşun Ordusunun və Hava Desant Hücum Qoşunlarının nümayəndələri iştirak edirlər. İş yerinə yetirilən tapşırıqların xüsusiyyətləri nəzərə alınmaqla beş ixtisaslaşdırılmış istiqamət üzrə təşkil olunub Sülhməramlı Əməliyyatlar Mərkəzinin “Bitimgər” təlim mərkəzində keçirilən təlim-məşq toplanışı zamanı qoşunların hazırlığına yeni yanaşmalar təqdim edilib, briqadanın ümumi xidməti fəaliyyətinin planlaşdırılması üzrə nümunəvi dərslər keçirilib. Çavuş korpusunun inkişafına xüsusi diqqət yetirilir Hərbi qulluqçular üçün bölmələrin idarə olunmasında rəqəmsal həllərdən istifadəyə dair praktiki məşğələlər, müasir döyüş şəraitində rabitə və idarəetmə məsələləri üzrə mühazirələr təşkil olunub Proqram çərçivəsində Müdafiə Nazirliyi, Baş Qərargah və Silahlı Qüvvələrin rəhbər heyətinin iştirakı ilə dəyirmi masa keçirilib. İştirakçılar hava hücumundan müdafiə, taktiki birləşmələrin, raket qüvvələrinin, elektron müharibənin və pilotsuz uçuş aparatlarının istifadəsi məsələlərini müzakirə ediblər Müasir çağırışlar nəzərə alınmaqla qoşunların mühəndis-texniki və maddi-texniki təminatı məsələlərinə də baxılıb. General-leytenant Kanış Abubəkirov yekun vuraraq qeyd edib ki, müasir döyüş əməliyyatları qoşunların hazırlığı sisteminin daim təkmilləşdirilməsini, döyüş hazırlığının səviyyəsinin yüksəldilməsini və şəxsi heyətin fiziki hazırlığının yeni döyüş şəraitinə uyğunlaşdırılmasını tələb edir