Nazirlər Kabineti Qırğızıstanın yeni himninin seçilməsi qaydalarını dəyişir

Nazirlər Kabineti Qırğızıstanın yeni himninin yaradılması üzrə müsabiqənin müddətini 2026-cı il dekabrın 1-dək uzatmağı planlaşdırır.Bu barədə mədəniyyət nazirinin müavini Soyuzbek Nadırbekov Konstitusiya qanunvericilik komitəsinin iclasında bildirib Onun sözlərinə görə, mayın 14-də keçirilən komissiyanın iclasında müsabiqənin formatının dəyişdirilməsi qərara alınıb: açıq müsabiqə əvəzinə müəlliflərə və yaradıcılıq birliklərinə dövlət sifarişlərinin verilməsi, müsabiqə müddətinin dekabrın 1-dək uzadılması təklif olunub "Açıq müsabiqə gözlənilən nəticəni vermədiyi üçün bu layihənin dövlət sifarişi əsasında həyata keçirilməsi təklif olunur", - nazir müavini bildirib Xatırladaq ki, 2024-cü ildə himnin dəyişdirilməsi ideyasını parlamentin spikeri Nurlanbek Turqunbek uulu səsləndirmişdi. Daha sonra prezident bu təklifi dəstəklədi. 2025-ci ilin fevral ayında Mədəniyyət Nazirliyi müsabiqə elan edib və aprel ayına qədər 700-dən çox əsər qəbul edilib. Lakin layihələrin heç biri dövlət rəmzi üçün bütün tələblərə cavab verməyib. Mədəniyyət Nazirliyi isə təkrar müsabiqə elan edib. Mədəniyyət Nazirliyi ikinci müsabiqənin nəticələrinə əsasən, yeni himnin üç variantını deputatların müzakirəsinə təqdim etsə də, deputatlar hamısından imtina ediblər. Yeni müsabiqə elan olundu və komissiyaya dövlət katibi Arslan Koiçiyev rəhbərlik edirdi