Julian Schuster İstanbulda tarix yaza bilər

Çərşənbə günü UEFA Avropa Liqasının finalında oynanılacaq "Aston Villa" - "Frayburq" matçında rekord qırmaq istəyən baş məşqçi Unai Emeri "sıçrayış etmək" arzusunda olan Julian Şusterlə qarşılaşacaq Meydanda taktiki mübarizə aparacaq iki məşqçinin karyera səyahətləri üçün də nəhəng final böyük əhəmiyyət kəsb edir. UEFA Avropa Liqasını ən çox qazanan məşqçi kimi rekorda sahib olan Aston Villa baş məşqçisi Unai Emeri eyni kuboku bir dəfə də qazanaraq rekordunu əlçatmaz etməyi planlaşdırdığı halda, məşqçilik karyerasının ilk ilində böyük uğur qazanan Şuster də kuboku qazanaraq klub tarixinə düşməyi planlaşdırır Premyer Liqada “Aston Villa”nı Çempionlar Liqasının potasına çıxararaq yetkinliyini bir daha sübut edən ispaniyalı baş məşqçi Unai Emeri Avropa liqası deyildikdə ilk ağla gələn adlardan biridir. UEFA Avropa Liqasının finalında 5 dəfə oynayan Emeri 2014, 2015 və 2016-cı illərdə ardıcıl 3 mövsüm UEFA Avropa Liqasında “Sevilya” ilə kuboku başı üzərinə qaldırıb. Aston Villa ilə bu qurumun 6-cı finalına yüksələcək təcrübəli məşqçi 1982-ci ildə Çempion Klublar Kuboku çempionatından sonra Aston Villaya ilk böyük Avropa kubokunu qazandıraraq klubun tarixinə yazmağı hədəfləyir 2018-ci ildə keçmiş komandası Frayburqda baş məşqçi köməkçisi kimi işə başlayan, daha sonra klubdakı müxtəlif vəzifələrdən sonra 2024-cü ilin yayında Kristian Streyxin 12 illik vəzifəsini təhvil alan Şuster, təvazökar büdcəli Frayburqa tarixində ilk böyük Avropa finalında oynamaq qürurunu yaşadır. Gənc çalışdırıcı turnirin ən təcrübəli adına qalib gələrək meydanı tərk edərsə, Frayburq tarixində ilk böyük kuboku qazanacaq və Avropada arzuladığı mövsümü taclandıracaq. Bu qələbə həm də 41 yaşlı çalışdırıcının karyerasında ilk kubok olacaq İndiyədək 44 müxtəlif məşqçi UEFA Avropa Liqasının qalibi olub. Emeri 4 kubokla zirvədə olduğu halda, ispaniyalı çalışdırıcının ardınca "Yuventus" (2) və "İnter"i qələbəyə aparan və kuboku 3 dəfə başı üzərinə qaldıran italiyalı məşqçi Covanni Trapattoni gəlib. Dieqo Simeone, Joze Mourinyo, Rafael Benites, Juande Ramos və Luis Molowny hərəyə 2 dəfə çempion olublar