Jhon Duran Qalatasaray üçün gəmiləri yandırdı! Fənər azarkeşləri qəzəblənib

Yeni mövsüm öncəsi transfer səylərini davam etdirən "Qalatasaray"a sürpriz təklif gəlib. "Fənərbaxça" ilə yollarını dramatik şəkildə ayıran və daha sonra "Zenit"də axtardığını tapa bilməyən Con Duranın sarı-qırmızılı formanı geyinmək istədiyi iddia edilib İddialara görə, 22 yaşlı kolumbiyalı futbolçu meneceri vasitəsilə “Qalatasaray” rəhbərliyi ilə əlaqə saxlayıb. Duranın sarı-qırmızılı komandada oynamaqla maraqlandığı və cavab gözlədiyi iddia edilib Bildirilib ki, “Qalatasaray Sportif AŞ”nin sədr müavini Abdullah Kavukçu futbolçu ilə bağlı məlumatı baş məşqçi Okan Buruka çatdırıb. Duranın karyerasındakı problemli ayrılıq prosesləri səbəbindən Burukun əvvəlcə transferdən uzaq olduğu bildirilib Lakin gənc futbolçunun +4 əcnəbi kvotada qiymətləndirilə biləcəyindən texniki komitənin məsələni yenidən müzakirə edə biləcəyi bildirilir Cəmi 22 yaşı olmasına baxmayaraq bir çox komandanı dəyişən Con Duran karyerasına Kolumbiyanın Enviqado komandasında başlayıb. Daha sonra "Çikaqo Fayr", "Aston Villa" və "Əl Nassr"da çıxış edən gənc hücumçu ötən mövsüm icarə əsasında "Fənərbaxça" və "Zenit"də çalışıb Əl Nassrın 2025-ci ildə 77 milyon avro ödəyərək Aston Villanın heyətinə qatdığı Duranın yeni mövsümdə Səudiyyə Ərəbistanı komandasına dönəcəyi gözlənilir "Qalatasaray"ın çempionluğundan sonra sarı-qırmızılı klubun bayram postlarını bəyəndiyi üçün "Fənərbaxça" azarkeşlərinin reaksiyasına səbəb olan Duranın hazırda "Qalatasaray"la anılması diqqət çəkib. Hesab edilir ki, mümkün transfer baş tutsa, əzəli rəqiblər arasında yeni müzakirə mövzusu yarana bilər