İtalyan politoloq: Orta Dəhliz Azərbaycanı Avrasiyanın geoiqtisadi mərkəzinə çevirir

Orta Dəhlizin inkişafı Avrasiyanın geoiqtisadi xəritəsini sürətlə dəyişdirir və Azərbaycan Şərqlə Qərb arasında əsas tranzit mərkəzlər sırasında yer alır Bu barədə italyan politoloq, Avropa Araşdırmaları Proqramının direktoru Stefano Braqiroli AZƏRTAC-ın saytında yayımlanan “Azərbaycan və dünya” verilişinin növbəti buraxılışında bildirib Onun sözlərinə görə, qlobal qeyri-sabitlik və ənənəvi ticarət marşrutlarının dəyişməsi fonunda alternativ dəhlizlərin əhəmiyyəti kəskin artır “Orta Dəhliz təkcə mövcud marşrutları tamamlamır, həm də qonşu ölkələrdən keçən marşrutlara tam strateji alternativə çevrilir”, - deyə ekspert qeyd edərək əlavə edib ki, Azərbaycanın coğrafi mövqeyi ölkəni Mərkəzi Asiya, Cənubi Qafqaz və Avropa arasında təbii körpüyə çevirir İtalyan politoloqun qiymətləndirməsinə görə, yaxın illərdə beynəlxalq ticarət və iqtisadi əlaqələrin yeni məntiqi məhz bu cür marşrutlar vasitəsilə formalaşacaq 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır