İsrail naziri Ben-Qvir viza almaqda çətinlik çəkdiyi üçün ABŞ-a səfərini ləğv edib | Xarici xəbərlər

Bildirilib ki, İsrailin ifrat sağçı milli təhlükəsizlik naziri İtamar Ben-Qvir viza almaqda çətinlik çəkdiyi üçün ABŞ-a planlaşdırdığı səfərini ləğv etməli olub “Haaretz” qəzetinin məlumatına görə, Ben-Qvir israilli iş adamı Yaakov Elhararın qızının toyunda iştirak etmək və diplomatik görüş üçün ABŞ səfirliyinə viza üçün müraciət edib Xəbərdə Ben-Qvirin viza prosedurları üçün ABŞ səfirliyinə barmaq izlərini vermək üçün dəvət aldıqdan sonra ABŞ səfərini ləğv etdiyi qeyd edilib İsrail mətbuatı vurğulayır ki, Ben-Qvir də digər nazirlər kimi diplomatik viza almaq hüququna malikdir, lakin ABŞ səfirliyi “qeyri-adi” prosedur tətbiq edərək ifrat sağçı nazirdən barmaq izlərini istəyib Ben-Qvirin ofisindən verilən açıqlamada ABŞ-ın İsraildəki səfirliyinin viza üçün barmaq izi tələb etdiyi təsdiqlənib “Haaretz”in yazdığına görə, Ben-Qvirin ABŞ-a səfərinin xərclərinin israilli iş adamı tərəfindən qarşılanması da mübahisələrə səbəb olub Xəbərdə İsrail Ombudsmanının sədrlik etdiyi komitənin Ben-Qvirin ABŞ-a səfərinin israilli iş adamı Elharar tərəfindən maliyyələşdirilməsinə etiraz etdiyi bildirilib Bildirilib ki, etirazdan sonra Ben-Qvir yol xərclərinin israilli iş adamı tərəfindən qarşılanması tələbini geri götürüb İsraildə nazirlərin şəxsi vəsaiti hesabına xarici səfərlərinə icazə verilə bilər, bir şərtlə ki, bu səfərlər maraqlar toqquşmasına səbəb olmasın, dövlət vəzifəsindən sui-istifadə ilə nəticələnməsin və etik qaydalara zidd olmasın Ali Məktəbə Qəbul İmtahanı həyəcanı başladı