"İsrailin Qolan qəsəbə planı müharibə cinayətidir"

Human Rights Watch təşkilatı İsrailin işğal olunmuş Suriya ərazisi olan Qolan Təpələrində qanunsuz yaşayış məskənlərinin genişləndirilməsi layihəsini diqqətlə araşdırıb Rəsmi açıqlamada, minlərlə yeni məskunlaşmanın bölgəyə köçürülməsini nəzərdə tutan bu təşəbbüs beynəlxalq hüquq qarşısında ağır pozuntu və müharibə cinayəti kimi qiymətləndirilib. Bölgədən deportasiya edilən suriyalıların öz torpaqlarına qayıtmasının qarşısını almaq üçün hazırlanan 334 milyon dollarlıq büdcənin İsrail hökumətinin təsdiq etməsi bu cinayətin birbaşa maliyyələşdirilməsidir Təl-Əviv rəhbərliyinin 2030-cu ilə qədər tamamlamağı hədəflədiyi yaramaz plan, 3 min yeni köçkün ailəsini işğal altındakı Qolan təpələrinə köçürməyi hədəfləyir. Human Rights Watch açıq şəkildə vurğuladı ki, İsrailin bu layihəni birbaşa maliyyələşdirməsi “müharibə cinayətini maliyyələşdirməyə” bərabərdir İsrailin maliyyə naziri Bezalel Smotriçin Katzrin və Qolan bölgələrinə təxminən 1 milyard yeni İsrail şekeli həcmində böyük sərmayə qoyulacağına dair əvvəlki açıqlaması qəsəbə planının iqtisadi ölçüsünü və işğalı dərinləşdirmək niyyətini bir daha ortaya qoydu. Təşkilat bu addımların Suriya ərazisinin işğalının qalıcı olması üçün səy olduğunu bildirərək, beynəlxalq hüquq əsasında qeyri-qanuni layihənin hüquqi nəticələrinə diqqət çəkib