İsrail gəmisində fəallara işgəncə: həm hücum, həm də oğurluq

Qlobal Sumud Flotilla İsrail ordusunun saxladığı fəallara qarşı zorakılıq tətbiq etdiyini açıqlayıb. İsrail donanmanın 175 üzvündən 34-nə zərbə endirib Açıqlamaya görə, Qlobal Sumud Donanmasının fəalları Yunanıstan ərazi sularında İsrail Hərbi Dəniz Qüvvələrinə məxsus gəmidə 40 saat saxlanılıb. Fəallara kifayət qədər yemək və su verilməyib. Fəallar adekvat yemək və su verilmədiyi halda qəsdən su basmış yerdə yatmağa məcbur ediliblər Fəallara qarşı zorakılıq tətbiq edildiyini bildirən aşağıdakı bəyanatda deyilir: "Fəalları yumruqladılar, təpiklədilər və əlləri arxada bağlı halda göyərtə boyunca sürüdülər. Burunları sındırıldı, qabırğaları çatladı və döyüldü. Xaosun içində hətta onlara atəş açıldı" Donanmanın açıqlamasında Seyf Əbu Keşkek və Tiaqo Avilanın İsrailə aparıldığı bildirilib. Açıqlamada 60 iştirakçının aclıq aksiyasına başladığı açıqlanıb və bu ifadələr işlədilib: "İştirakçılarımız ruhdan düşmədi, 60 iştirakçı dərhal aclıq aksiyasına başladı. Bu, dinc sakinlərə qarşı vəhşicəsinə hücumdur. Biz üzümüzə baxmayacağıq. İndi onların azadlığını və beynəlxalq məsuliyyətə cəlb olunmasını tələb edirik" İsrail ordusu tərəfindən döyülənlər arasında olan Türkiyə və Almaniya vətəndaşı Hüseyn Oral da yaşadıqlarından danışıb. Oral açıqlamasında bunları deyib: "Almaniya nümayəndə heyətinin tərkibindəyəm. Görmək istəyirsiniz ki, mənə nə ediblər? Onlar min avroya yaxın pulumu və sürücülük vəsiqəmi oğurlayıblar. Heç bir səbəb olmadan. Geri verəcəyik dedilər, amma vermədilər" Mənbə: İhlas Xəbər Agentliyi