İsrailin Baş naziri Prezident İlham Əliyevə təbrik məktubu göndərib

BAKI, Azərbaycan, 12 iyun. İsrail Dövlətinin Baş naziri Benyamin Netanyahu Azərbaycan Respublikasının Prezidenti İlham Əliyevə təbrik məktubu ünvanlayıb “Hörmətli cənab Prezident, əziz dost Müstəqillik Gününü qeyd etdiyiniz gün sizi və Azərbaycan xalqını təbrik edirəm Mən əsl dostluğumuza və xalqlarımız arasında illər ərzində həm daha da dərinləşən, həm də möhkəmlənən əlaqələrə görə minnətdaram. Mən regional sabitliyə töhfə verən və sülhün təşviqində və bizi ümumi məqsədlərimizə nail olmağa daha da yaxınlaşdıran ekstremizmlə mübarizə səylərini çox yüksək qiymətləndirirəm Ölkənizin İsrailə verdiyi davamlı dəstəyə və HƏMAS-ın oktyabrın 7-də törətdiyi iyrənc hücumdan sonra göstərdiyiniz həmrəyliyə, həmçinin qarşılıqlı regional təhlükələrə qarşı durmaq öhdəliyinizə görə xüsusilə minnətdaram. Bu, bizim həqiqi tərəfdaşlığımızın əsaslandığı hökumətlərimiz və xalqlarımız arasında etimad və hörmətdən xəbər verir Mən ikitərəfli əlaqələrimizi və müxtəlif sahələrdə, o cümlədən süni intellekt, aviasiya, turizm və akademik dairələrdə əməkdaşlığımızı daha da genişləndirməyi, habelə Birgə İqtisadi Komissiyanın növbəti iclasını çağırmağı səbirsizliklə gözləyirəm Sizə, ailənizə və Azərbaycan xalqına daha uzun illər firavanlıq və uğurlar arzulayıram”, - məktubda deyilir