IsDB: Üzv ölkələrdə 150 milyon gənc iqtisadi inkişaf imkanlarından kənarda qalıb

İslam İnkişaf Bankının (IsDB) üzv ölkələrində təxminən 150 milyon gənc təhsil, məşğulluq və peşə hazırlığı imkanlarından kənarda qalır "APA-Economics" xəbər verir ki, bunu İslam İnkişaf Bankının İqtisadi və Sosial İnfrastruktur Departamentinin direktoru İdrissa Dia Bakıda keçirilən İslam İnkişaf Bankının İllik Toplantıları çərçivəsində "Sərhədsiz Gənclər: Ortaq Regional Rifahın Hərəkətverici Qüvvəsi" mövzusunda təşkil olunan sessiyada bildirib Onun sözlərinə görə, dünyada hər beş gəncdən biri nə təhsil alır, nə işləyir, nə də peşə hazırlığı keçir: "Ərəb ölkələrində gənclər arasında işsizlik səviyyəsi 28 faiz, Mərkəzi Asiya və Qafqaz regionunda isə orta hesabla 14 faizdir" O vurğulayıb ki, əsas problem gənclərdə istedad və ya ambisiyanın olmaması deyil, onların potensialını reallaşdırmasına mane olan baryerlərin mövcudluğudur