İİB təhsilə investisiya üçün möhkəm platforma yaradır – UNEC rektoru

BAKI, Azərbaycan, 16 iyun. İslam İnkişaf Bankı (İİB) üzv ölkələr üçün təhsilə, bacarıqlara, innovasiyalara və gənclər üçün imkanlara sərmayə qoymaq üçün güclü platforma yaradır, Azərbaycan Dövlət İqtisad Universitetinin (UNEC) rektoru Ədalət Muradov IDB4 Forumu çərçivəsində keçirilən “Sərhədsiz Gənclər: Ortaq Regional Rifah” adlı tədbirdə deyib. Bakı, Trend-in müxbiri tədbirdən xəbər verir “İİB-in inkişafa, əməkdaşlığa və insan kapitalına diqqət yetirməsi üzv ölkələr üçün təhsilə, bacarıqlara, innovasiyalara və gənclər üçün imkanlara investisiya etmək üçün möhkəm platforma yaradır Bu kimi forumlar ortaq problemləri ümumi həll yollarına çevirməyə və regionlar arasında yeni körpülər qurmağa kömək edir” Muradov qeyd edib ki, UNEC akademik tərəfdaşlıq, rəqəmsal təhsil, süni intellektin inteqrasiyası, tələbə mobilliyi, tədqiqat əməkdaşlığı və beynəlxalq tələbələrə dəstək vasitəsilə bu vizyona töhfə verməyə hazırdır "Biz əminik ki, regional tərəqqi təhsilli, bacarıqlı, innovativ və beynəlxalq əlaqələrə malik gənclər tərəfindən təmin olunacaq. Azərbaycanın bu sahədə mühüm təcrübəsi var", - rektor əlavə edib