İslam İnqilabı Keşikçiləri Korpusu İranın cənubunda İsrailə məxsus PUA-nın vurulduğunu iddia edir

BAKI, Azərbaycan, 7 aprel. İran İslam İnqilabı Keşikçiləri Korpusunun (SEPAH) bəyanatında deyilir ki, bu gün İranın cənubundakı Hörmüzqan vilayətinin Sirik əyalətində İsrailə məxsus "Orbiter" pilotsuz uçuş aparatı (PUA) vurulub Açıqlamaya görə, PUA ölkənin hava hücumundan müdafiə sistemi tərəfindən vurulub Fevralın 28-dən bəri İranda 170-ə yaxın PUA vurulub Fevralın 28-də ABŞ və İsrail İrana qarşı hərbi əməliyyatlara başlayıb, iri şəhərlərə, o cümlədən Tehrana zərbələr endirib. Ağ Ev hücumlara əsas kimi İslam Respublikasından gələn raket və nüvə təhlükələrini göstərib. Zərbələr zamanı İranın ali dini lideri Ayətullah Əli Xamenei və bir neçə digər yüksək vəzifəli məmurun həlak olduğu bildirilir. Buna cavab olaraq, İran İslam İnqilabı Keşikçiləri Korpusu İsrailə qarşı genişmiqyaslı cavab əməliyyatı elan edib və ABŞ-ın Bəhreyn, İordaniya, İraq, Qətər, Küveyt, BƏƏ, Oman, Səudiyyə Ərəbistanı və Suriyadakı obyektlərini ballistik raketlər, qanadlı raketlər və dronlardan istifadə edərək hədəfə alıb Münaqişə regionun enerji infrastrukturunu və dəniz gəmiçiliyini ciddi təhlükə altında qoyub. Hörmüz boğazında təhlükəsizlik gərginliyi səbəbindən qlobal neft qiymətləri əhəmiyyətli dərəcədə artıb. İran Hörmüz boğazına tam nəzarət edir və yalnız lazım bildiyi gəmilərə keçidə icazə verir