IRENA: 2035-ci ilədək bərpaolunan enerji xərcləri 50 dollardan aşağı düşə bilər

2035-ci ilə qədər xərclərin davamlı azaldılması ilə ən səmərəli bölgələrdə bərpaolunan enerji xərcləri meqavat-saat üçün 50 dollardan aşağı düşə bilər AZƏRTAC xəbər verir ki, bu barədə Beynəlxalq Bərpaolunan Enerji Agentliyinin (IRENA) məlumatında deyilir Bildirilir ki, Günəş və külək enerjisi batareya saxlama ilə birlikdə istifadə edildikdə, ənənəvi enerji mənbələrinə nisbətən daha aşağı qiymətə fasiləsiz elektrik enerjisi təmin edə bilər. Yüksək Günəş və külək potensialına malik bölgələrdə hibrid sistemlər 24/7 elektrik istehsalında iqtisadi cəhətdən rəqabətli hala gəlib. Günəş enerjisi və saxlamanın birləşməsindən əldə edilən elektrik enerjisinin dəyəri meqavat-saat üçün 54 dollardan 82 dollaradək dəyişir. Qlobal miqyasda isə yeni qazla işləyən elektrik stansiyaları üçün 100 dollardan çoxdur Məlumata görə, 2010-cu ildən bəri Günəş enerjisinin quraşdırılması xərcləri 87 faiz, quruda külək enerjisi xərcləri 55 faiz və batareya saxlama xərcləri isə 93 faiz azalıb. Hibrid bərpaolunan enerji layihələri 1-2 il ərzində başa çatdırıla bilər ki, bu da qazla işləyən yeni elektrik stansiyaları ilə müqayisədə daha sərfəlidir 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır