İran İslam İnqilabı Keşikçiləri Korpusu ABŞ hərbi obyektlərinə raket və pilotsuz təyyarələrlə hücumlar təşkil etdiyini iddia edir

BAKI, Azərbaycan, 3 iyun. İslam İnqilabı Keşikçiləri Korpusu (SEPAH) Bəhreyndəki ABŞ Hərbi Dəniz Qüvvələrinin Beşinci Donanmasının qərargahına və region ölkələrindən birindəki ABŞ aviabazasına raket və pilotsuz uçuş aparatlarından zərbələr endirib Tehran hücumların ABŞ-ın Qeşm adasındakı İran hərbi obyektinə endirdiyi zərbəyə cavab olaraq həyata keçirildiyini bildirib Açıqlamaya görə, ABŞ qüvvələri Qeşm adasının cənub hissəsində yerləşən SEPAH-a məxsus rabitə qülləsinə hava zərbəsi endirib. İslam İnqilabı Keşikçiləri Korpusu bildirib ki, buna cavab olaraq onun Aerokosmik Qüvvələri raket və dronlardan istifadə edərək, ABŞ-ın bölgədəki aviabazasını və helikopterinin eniş sahəsini, həmçinin ABŞ Hərbi Dəniz Qüvvələrinin Beşinci Donanmasının qərargahını hədəf alıb Bəyanatda həmçinin deyilir ki, İranın Hörmüz boğazı yaxınlığında ABŞ qüvvələrinin İran neft tankerinə hücumuna cavab olaraq SEPAH ABŞ ilə əlaqəli gəmiyə zərbə endirib