İran Qızıl Aypara Cəmiyyəti Azərbaycanın humanitar yardımına görə minnətdarlığını bildirir

BAKI, Azərbaycan, 6 aprel. İranın Qızıl Aypara Cəmiyyəti İrana göstərdiyi humanitar yardıma görə Azərbaycana təşəkkür edib. Trend -in məlumatına görə, bu barədə İran İslam Respublikasının Qızıl Aypara Cəmiyyətinin beynəlxalq məsələlər və beynəlxalq humanitar hüquq (IHL) baş katibinin müavini Raziyə Əlişəvəndi yerli mətbuata bildirib Onun sözlərinə görə, indiyədək Azərbaycan, Rusiya, Hindistan, Çin, Dağıstan, Türkmənistan, Tacikistan, Özbəkistan və İraqdan İrana humanitar yardım göndərilib Əlişavəndi ölkəyə humanitar yardımın quru sərhədlərindən keçdiyini qeyd edib Rəsmi İranın humanitar yardım üçün heç bir beynəlxalq təşkilata və ya ölkəyə müraciət etmədiyini və ölkələrin İrana könüllü yardım etdiyini bildirib "Yerli potensialdan əlavə, ölkələr tərəfindən göndərilən yardımlardan istifadə edilir. İran bu ölkələrə, dövlətlərə və xalqlara minnətdarlığını bildirir", - o əlavə edib Humanitar yardım qonşu və dost İran xalqının təcili ehtiyaclarını təmin etmək məqsədi ilə 2026-cı il martın 8-də Prezident İlham Əliyevlə İran Prezidenti Məsud Pezeşkian arasında telefon danışığından sonra göndərilib. Azərbaycan indiyədək İrana üç dəfə humanitar yardım göndərib Fevralın 28-də ABŞ və İsrail İrana qarşı hərbi əməliyyatlara başlayıb, iri şəhərlərə, o cümlədən Tehrana zərbələr endirib. Ağ Ev hücumlara əsas kimi İslam Respublikasından gələn raket və nüvə təhlükələrini göstərib. Zərbələr zamanı İranın ali dini lideri Ayətullah Əli Xamenei və bir neçə digər yüksək vəzifəli məmurun həlak olduğu bildirilir. Buna cavab olaraq, İran İslam İnqilabı Keşikçiləri Korpusu İsrailə qarşı genişmiqyaslı cavab əməliyyatı elan edib və ABŞ-ın Bəhreyn, İordaniya, İraq, Qətər, Küveyt, BƏƏ, Oman, Səudiyyə Ərəbistanı və Suriyadakı obyektlərini ballistik raketlər, qanadlı raketlər və dronlardan istifadə edərək hədəfə alıb Münaqişə regionun enerji infrastrukturunu və dəniz gəmiçiliyini ciddi təhlükə altında qoyub. Hörmüz boğazında təhlükəsizlik gərginliyi səbəbindən qlobal neft qiymətləri əhəmiyyətli dərəcədə artıb. İran Hörmüz boğazına tam nəzarət edir və yalnız lazım bildiyi gəmilərə keçidə icazə verir Trend İnformasiya Agentliyinin WhatsApp kanalında daha çox xəbərlərdən xəbərdar olun